Home Hudicial Castigo di 3 aña pa homber cu a comete actonan inmoral cu...

Castigo di 3 aña pa homber cu a comete actonan inmoral cu su propio yiu muhernan

5
5
SHARE
- Advertisement -

Judicial*Huez a bisa cu no tin cura pa un pedofile
ORANJESTAD(AAN): Dia 3 di December na corte a tuma lugar un caso den cual Rudolf R.P a wordo acusa di comete actonan inmoral cu su tres yiu muhernan menor di edad. Cu algun di e yiunan esaki lo a sosode den e periodo di prome di November 2001 te cu 21 di Augustus 2003.
E acusacion ta bisa cu e lo a uza violencia of menaza di violencia pa e comete e actonan indebido.
El a wordo acusa tambe di a hasi mescos cu dos di su yiunan den e periodo di 22 di Augustus 2003 te cu 13 di Mei 2009. Banda di esaki, el a wordo acusa di a comete mesun acto cu un di su yiunan di prome di Augustus 2007 te cu 13 di Mei 2009.
E acusacion ta bisa cu e homber a dal su yiu y bise pa e no conta su mama. Fiscal a bisa cu den e ultimo acusacion, R. a wordo acusa di forza su yiu muher mayor pa tene relacion sexual cu penetracion.

Den e otro casonan e homber lo a mishi cu partinan intimo di e muchanan y e lo a pone lenga na nan partinan intimo dilanti y patras. Tabata casa di R.P, kende awor no ta cune mas, kende a entrega e denuncia na polis, despues cu e wela a bisa cu e mucha a indica cu e tata tabata mishi cune.

E mucha muher a conta e wela esaki, despues cu el a cuminza corda e cosnan cu su tata tabata hasi cune varios aña atras. E mucha muher a bisa cu e tabata a cuminza mishi cune for di 1ste klas te cu 4de.

E mucha a bisa tambe cu su tata tabata wak videonan di pornografia cune. El a splica cu su tata hopi biaha tabata burachi y tabata mishi cune na su partinan intimo. Ora cu e tabata bisa e tata pa stop, e tata tabata menaze of tene cu forza pa nan sigui.

El a splica cu tempo e tabata mas chikito e no tabata realiza realmente loke tabata sosode, pero ora el a bira mas grandi(awor e tin 15 aña), el a realiza cu loke e tata tabata hasi ta hopi malo.
E mucha a bisa cu ora el a yega 6de klas, e tata no a mishi cune mas.

Ta na school e mucha a cuminza yora y conta un amiga, despues di cual el a conta su juffrouw y su wela. E mama a declara cu el a yega di wak e tata mishi cu por ehempel pecho di e mucha, pero el a kere cu tabata un joke entre tata y yiu, pasobra e homber tabata hasi como si fuera esaki tabata e caso.

Despues a papia cu e yiu muher di dos y el a bisa tambe cu e tata a mishi cune eybao y cu e tata tabata pone su parti intimo na parti intimo di dje y cu esaki tabata hasi dolor. E mucha aki tambe a bisa cu e tata tabata wak pornografia cune. El a bisa tambe cu e tata a pasa lenga dilanti y patras.
E yiu muher di 8 aña despues di a wordo puntra, a mustra cu pintura unda e tata tabata mishi cune.

Ora e mucha tabata bisa e tata pa e stop, segun e mucha e tata tabata bisa pa e cera su boca y tabata papia palabra malo cune. Na Huez Comisario R. a admiti cu e tabata mishi cu su propio yiu muher mayor.

Pero el a bisa cu esaki tabata ora e mucha a cuminza desaroya su mes. Segun e homber tabata entre 2007 y 2009 e tabata mishi cu e mucha. El a splica cu e mucha muher tabata tin pecho caba y cabey na su parti intimo.

R. a bisa huez sinembargo cu e no a penetra e mucha. El a bisa tambe cu e no a mishi cu e otro muchanan. Huez a puntre dicon e muchanan lo gaña contra dje anto y el a bisa cu e no sa, pero cu e no a mishi cu nan.

E homber a splica cu na diferente occasion e tabata mishi cu su yiu riba cama, mientras cu su casa mes tambe tabata riba e cama. El a splica si cu e casa tabata drumi. Segun R., e tabata bay tras di e mucha, e tabata saca su penis y pone esaki mey mey di e mucha su bilnan di pia y e tabata frega cu esaki.

Huez a puntre si e mucha muher tabata bise pa e stop y el a bisa cu ora e mucha bise pa stop, e tabata stop.

Huez a puntra R. si ora cu e tabata frega mey mey di pia di su yiu si e tabata bin cla y el a bisa cu diferente biaha e tabata bin. Huez a puntre kico e tabata hasi e ora ey ora e caba y el a splica cu e yiu mes tabata limpia e sperma for di pia.

Tur tres di e muchanan ta wordo trata pa un psicologo. E psicologo tabata presente na corte como testigo y el a splica con e muchanan ta mustra claramente señalnan di ta victima di abuso, entre otro e hecho cu un di nan ta haya problema na school y tur ta mustra cierto problemanan di comportacion.

Fiscal a trece dilanti con serio e caso aki ta. El a bisa si cu lamentablemente no tabata tin un rapport di dokter den e dossier di e caso, pa mustra si tabata tin indicacion di penetracion.
Pesey pa loke ta e parti di penetracion sexual, e no a haya comproba.

Si loke el a haya comproba ta cu actonan inmoral a tuma lugar cu tur tres yiu, mientras cu tabata tin tambe un intento di violacion riba un di e yiunan. Fiscal a exigi un castigo incondicional di 4 aña.

Abogado Diana Emerencia representando e acusado a bisa cu no tin suficiente indicacion cu su cliente a comete actonan inmoral cu e dos otro muchanan.

El a cuestiona e hecho con e muchanan a wordo tendi pa polis y el a cuestiona e hecho cu ta solamente 1 biaha nan a wordo scucha. El a bisa cu un mucha facilmente por wordo influencia, pa e forma di hasi pregunta.

Emerencia a cuestiona severamente tambe falta di e rapport medico den e caso aki. E ta haya tambe cu despues cu e homber a wordo deteni, no a sigui investiga suficientemente bon.
Segun e abogado su cliente ta para ariba cu si el a dal su yiunan mes, esaki tabata pa disciplina nan y no pa forza nan pa participa na actonan inmoral.

Emerencia a pidi huez pa tene cuenta cu e hecho cu e homber mes hunto cu ruman muher di e homber, ora nan tabata chikito tabata victima di abuso sexual cu nan tata a comete riba nan.
E abogado a pidi huez tambe pa tene cuenta cu e homber nunca antes a yega di haya problema cu husticia y cu despues cu e tabata tin problema cu alcohol y droga, awor e ta ‘clean’ pa basta tempo caba.

El a splica cu R. ta purbando di drecha su bida, e ta lamenta loke a sosode y cu e ta bisa cu e lo no hasi e tipo di cosnan aki mas. Diabierna huez a duna su sentencia den e caso aki. Segun huez, e ta haya comproba cu e acusado a comete actonan inmoral cu tur tres di su yiu muhernan y no 1 so manera e acusado a bisa.

Huez a bisa cu e no tin motibo di duda riba declaracionnan di e muchanan. Segun huez, e muchanan lo no gaña facilmente contra nan mesun tata. Huez a bisa si cu e no tin suficiente prueba pa bisa cu R. a hasi uso di forza pa comete e actonan inmoral.

Algun di e periodonan den cual R. ta wordo acusa tampoco no ta cuadra segun huez. Pesey pa algun di e partinan di e acusacion, R. a wordo declara liber. Sinembargo por lo general huez ta haya R. culpable di a comete actonan inmoral cu tur tres di su yiunan biologico.

Huez a bisa cu ta hopi di lamenta cu ta net den camber y cas di e mayornan e cosnan aki a sosode cu e muchanan. Ta net unda cu nan mester sinti nan mes sigur. E huez a bisa tambe cu loke e homber a hasi cu su yiunan, por tin consecuencianan serio pa desaroyo sexual normal di e muchanan.

Ademas di esaki nan por keda cu consecuencianan psicologico negativo y pesey nan ta wordo trata actualmente. Huez a bisa cu e no ta haya cu e chens ta chikito cu R. lo por comete e tipo di actonan aki.

Segun Huez, ta conoci mundialmente cu no tin un cura pa un pedofile. Una vez cu un persona ta wordo atrai sexualmente pa mucha, e ta keda asina henter su bida. Unico cos cu por wordo hasi ta cu e mes y otronan rond di dje mester percura pa den ningun circunstancia e ta su so cu mucha. Huez a dicidi di duna R. un castigo incondicional di 3 aña.

- Advertisement -

5 COMMENTS

  1. E bestia aqui mester keda henter su vida encera 3ana no ta nada y mester saka su potret pa tur gende conoce e bestia aki mester di un castigo mas duro tur mucha tin derecho a un bida digno sigur y un famia yen di amor

  2. esta berguenza,tres anja so.cada jui un anja
    kico ta bira di nan majan cu dios kier
    epersona cu mester adefende nan aprobecha di nan frustra pa nan resto di nan bida.no tin ningun sigiloog pa cura e danjo hasi di nan propio tata.

  3. ta kiko e cos aki a para bira ami ta hnj cu sorto di kos nan asina mester wordu poni ariba stull di coriente !!! stop di para abusa di 3 criatura asina!!!guyo bo tin bo castigo

DUNA COMENTARIO

Please enter your comment!
Please enter your name here