Home General Desgracia debi na consumo di mas di alcohol

Desgracia debi na consumo di mas di alcohol

0
0
SHARE
- Advertisement -

PolicialORANJESTAD.(AAN)Durante fin di siman tabata tin varios caso relaciona cu bebemento di mas. Algun di e casonan a hala atencion. Entre otro coremento pa loco y un dalmento na altura di Watergate. Den careda di 9 or anochi, a drenta diferente yamada na central di polis, cu a señala un Nissan Sentra color scur numera A 35637 ta zig zag riba caminda publico den vecindario di Palm Beach. Un patruya den cercania a reacciona y a localiza e Nissan na altura di un Café na Palm Beach. E chofer di e Nissan a nota presencia di polis y a trata di huy door di dera trot pa bay for di eynan.
Pero den su ansia a bay dal den poster di luz door di perde control riba e vehiculo. Polis a yega cerca e chofer di inicialnan P.T. di 66 aña di edad y a detene.

Na warda el a supla e aparato y esaki a marca 1150 UG/L/ loke ta nifica tambe cu mesora a kita su rijbewijs y a cer’e pa buracheria y ademas el a hinca su mes den gasto grandi ora Elmar presenta su cuenta y ademas e boet cu e lo ricibi.

Tambe diasabra marduga djis pasa di dos’or a wordo reporta na central di polis di e accidente na Watergate. Polisnan cu a bay atende e desgracia a topa cu e chofer di inicialnan D.W. di 51 aña di edad y a keda constata cu e ta hole alcohol.

Agentenan a puntra e chofer ta cuanto drinks el a manda abao y el a duna di conoce di a bebe 5 pa 6 whisky straight. Tambe D.W. a agrega di a haya un flash back. Polis a detene y a hibe warda.

- Advertisement -

DUNA COMENTARIO

Please enter your comment!
Please enter your name here