Home General Edad di pensioen lo wordo discuti den dialogo social

Edad di pensioen lo wordo discuti den dialogo social

0
0
SHARE
- Advertisement -

Andy Lee

ORANJESTAD (AAN)* Cu e aprobacion di ley di AOV tin 5 cambio cu a keda aproba segun parlamentario Andy Lee. Por ehemplo e pensioen toeslag ta wordo cambia di zuiver inkomen pa basa esaki riba onzuiver inkomen, pa asina percura e entrada.

Cu aprobacion di ley aki 35 miyon florin lo haya pa yuda e fondo na 2011.

Si no haci nada no por carga e dificit y ta dificil pa por carga cu e fondo di pensioen. A trece cambio den e inkomengrens cu a bira entre 50 pa 60 mil florin, mientras a individualisa  e prima na unda cu siendo casa, cada ken ta paga pa su mes.

Tambe a cambia e difinicion di kiko ta un ingezetene, un habitante di Aruba, segun e ley biew tur esnan cu ta biba na Aruba. Den e ley nobo e ta bira cu si ta inscribi na censo, apesar cu ta un ilegal cu por proba cu ta inscribi y ta paga AOV/AWW tin derecho riba pensioen. Esnan cu ta ilegal y no ta inscribi y no ta paga AOV no lo haya pensioen tampoco. Tur esaki ta contribui cu 35 miyon florin extra ta drenta den caha di SVB pa cu e fondo di pensioen AOV. Encuanto di hisa e edad di 60 pa 62 aña e discusion aki lo tuma lugar den dialogo social na unda cu e desicion aki lo wordo carga conhuntamente, pues riba un base amplio.

Den e cambionan di ley ta haci tambe cu e persona pa su mes por dicidi si e ta bay cu pensioen cu 60 aña (si no cambia e edad aki) pa sigui traha te cu 62 of 65 aña y asina bouw op mas pa cu su pensioen. Pues conhuntamente tin cu resolve e problematica aki cu e fondo di pensioen AOV, na unda cu e gastonan mester tin un balansa den reparticion.

Pa loke ta e prima no a aumenta esaki, esaki tambe por dicuti’e den dialogo social, segun drs. Andy Lee. Esaki pa motibo cu hisa prima lo trece hopi presion riba e doño di trabao y comecio en general y den discusion por trece e balansa den tur cos y busca otro methodo pa logra esaki.

- Advertisement -

DUNA COMENTARIO

Please enter your comment!
Please enter your name here