Home General Ex President Di Venezuela Carlos Andres Perez A Muri Pasco Merdia

Ex President Di Venezuela Carlos Andres Perez A Muri Pasco Merdia

3
0
SHARE
- Advertisement -

cap1ORANJESTD(AAN)– Ex president di Venezuela Carlos Andres Perez a muri Pasco na Miami na edad di 88 aña.

Su yiu muher a divulga e noticia di morto di e ex president cu a nacionaliza industria petrolero di Venezuela y sobrevivi un intento di golpi di estado di Hugo Chavez cu despues a bira president di e pais.

Carlos Andres Perez a sirbi dos termino como president– el a dirigi Venezuela den periodo di prosperidad y tambe den periodo di turbulencia profundo, incluso e periodo di e lantamentonan peor di e pais cu a laga centenares di morto na 1989 despues cu el a cuminza cu reformanan economico y eventualmente mester a bandona su puesto  riba alegacionnan di corupcion.

Maria Francia perez a bisa Globovision ayera cu su tata cu tabata biba na Merca ultimo decada a muri inespera Pasco merdia un cuarto pa tres mas o menos debi na un aparente atake di curazon.

“Tabata algo diripiente. El a lanta mainta den bon espirito Pasco. Y e tabata conversa cu nos”.

Pero merdia, su tata a muri “di un momento pa otro”.

Carlos Andres Perez a goberna Venezuela dos biaha: di 1974 pa 1979 y di 1989 pa 1993.

Durante su prome termino di presidencia a funda e compania estatal di petroleo,  PDVSA cu a permiti e pais rico na petroleo di beneficia dramaticamente di prijsnan di petroleo cu tabata subi for di comienzo di decada 70.

Status di Venezuela den mundo internacional di industria di petroleo a crece y Perez su prome presidencia a haya hasta e apodo di “Saudi Venezuela”.

Djis algun siman despues di gana su di dos termino coo president el a cera acuerdo cu Fondo monetario Internacional pa mas politica di mercado liber pa sigura un fianza multi biyonario di FMI pa paga e debe externo di Venezuela.

El a huramenta dia 2 di februari 1989 pero den algun siman tabata tin e lantamentonan di protesta riba caya relaciona cu reforma economico cu a inclui aumento den prijs di combustibel y pa transporte publico.

E lantamento aki a bira conoci como “Caracazo” y tabata e protesta mas grandi contra gobierno den historia moderno di Venezuela. El a wordo domina cu forza y e supresion di e lantamento oficialmente a laga 278 hende morto.

Na varios ocasion president actual Hugo Chavez a referi na e Caracazo y describi esaki como protesta contra inigualdad social cu a sembra e simianan pa su propio “Revolucion Bolivariano” socialista.

Tabata na 1992 durante di dos termino di Perez cu Chavez – e tempo ey conoci masha poco como un teniendo colonel den ehercito a haci un intento di golpi di estado cu a fracasa, algun aña prome cu el a ordo eligi democraticamente den eleccion pa dirigi Venezuela.

Perez a sobrevivi e intento di golpi di estado ey y tambe otro e mes aña pero na maart 1993 Procurador General a haci un yamada na Corte Supremo pa baha Carlos Andres Perez como president pa motibo di malapropiacion y malversion di mas o menos 250 miyon bolivar (17 miyon dollar)

Perez a nenga di renuncia y congreso nacional a bahe for di su puesto di president na augustus 1993.

Tres aña despues el a wordo sentencia pa acusacionnan di corupcion y encarcela pa 28 luna. El a haya su libertad a 1998 y busca manera di rebiba su carera politico ganando un asiento den senado di su estado Tachira.

Pero e aña siguiente e president nobo president Chavez a disolve senado y forma un asamblea constituyente. Perez a campaña pa un asiento den e asamblea pero no a wordo eligi y poco despues a bandona Venezuela.

Na Miami e tabata publica articulonan y opinionnan denunciando Chavez y a cuminza tambe expresa su deseo di pasa resto di bida na Venezuela despues di a bira debil debi na dos atake di curazon na 2003 y 2004.

Na 2005 Caracas a pidi Washington pa extradita Carlos Andres Perez relatando e peticion na mortonan durante Caracazo.

cap3

- Advertisement -

DUNA COMENTARIO

Please enter your comment!
Please enter your name here