Home General FARC kier a secuestra doño di un banco na Aruba y Curaçao

FARC kier a secuestra doño di un banco na Aruba y Curaçao

2
0
SHARE
- Advertisement -

Presidente Santos di Colombiano a revela

ORANJESTAD(AAN): Horibel, tabata e comentarionan cu por a tende despues cu a bira conoci cu Presidente di Colombia Juan Manuel Santos a informa cu e grupo Guerriyero FARC tabatin plan pa secuestra bankeronan di Aruba y Curaçao, manera cu nan kier a haci cu diferente personanan adinera pafo di Colombia tambe.

   E guerriya iskierdista di mas grandi di Colombia, segun e informe, a planea for di 2003 secuestronan na Paraguay, Peru y Venezuela pa aumenta nan finanzanan, na momento cu nan a cuminsa enfrenta un ofensiva militar sin precedente, segun informacion cu a keda revela diahuebs ultimo door di Presidente Juan Manuel Santos.

E mandatario a revela p.e. emailnan cu nan a haya den e computernan personal di e comandante militar di Forsanan Arma Revolucionario di Colombia (FARC), Jorge Suárez Briceño, mata den un bombardeo na september.

“Organiza e trabao di tal forma cu no tin posibilidad vincula esaki cu FARC,” asina un di e lidernan di guerriya a skirbi den un di e mensahenan, di acuerdo cu e documento cu a worde revela door di e mandatario Colombiano. Ta trata di e-mailnan cu a worde skirbi y manda entre 2003 y 2009.

Un di e documentonan a revela e posibilidad di secuestra doño di un banco di Aruba y Curaçao, kende nan lo por ricibi cerca di e ciudad di Maracaibo, na Venezuela.

Otro email, manda door di e fayecido comandante rebelde Raúl Reyes, a pone na cla e entrada di 300.000 Dollar na 2003 pa e rescate cu a worde paga door di famia di un secuestrado na Paraguay. E documento a pone na evidencia e vinculonan di FARC cu Partido Patria Libre di Paraguay, grupo acusa di e secuestro na finalnan di 2004 di Cecilia Cubas, yiu muhe di ex presidente Paraguayo Raúl Cubas, kende a aparece morto algun despues den un caso cu a worde vincula cu e grupo guerriyero Colombiano.

“Na Paraguay ta existi bon condicionnan pa trabaonan financiero conhunto, compra di armanan y organizacion di rednan di apoyo. E controlnan na frontera pa move di Paraguay pa Brasil of Argentina ta minimo,” e email ta menciona.

Otro documento di mei, 2009 a revela e plan pa secuestra un empresario na Peru y exigi un rescate di 4 miyon Dollar. Tur esaki ta mustra e plannan cu FARC tin pa move riba tereno internacional pa haya mas placa pa financia nan operacionnan.

- Advertisement -

DUNA COMENTARIO

Please enter your comment!
Please enter your name here