Home Policial Homber A Bula Di Cama Despues Bula Bentana Corta Curpa

Homber A Bula Di Cama Despues Bula Bentana Corta Curpa

0
0
SHARE
- Advertisement -

pa huy di intrusonan misterioso arma

ORANJESTAD.(AAN); Patruya di San Nicolas den oranan di marduga a wordo instrui pa bay na un cas situa na Savaneta pa atende un persona herida.

Patruya na yegada a haya ambulans caba na e direccion y e homber victima di inicialnan H.F.H.

Polis a papia cu e homber H. cu a declara cu e tabata drumi y na dado momento el a spierta direpiente ora el a scucha un hende na su porta di camber.

H. a wak dos homber desconoci bisti full na preto.

Nan cara no tabata visibel y ambos tabata arma cu machete.

Locual H. a wak, a pone haya  miedo y panico y no a keda nada otro di lanta bula pasa dor di bentana di camber y cay pafor.

 E bulamento di bentana tabata tin su consecuencia ya cu H. a haya varios corta na curpa entre otro na su man drechi.

Polis a controla cas di denunciante y tur porta tabata na lock y bentana tambe tabata sera y ademas ainda H no a sinti falta di nada.

Den cushina, sala y den camber polis a nota cu tin basta mancha di sanger riba vloer.

E caso di H. a mustra di ta misterioso ya cu no tin evidencia cu kiebra a tuma lugar mas ainda tur cos tabata intacto den cas .

H. a afirma cu e dos hombernan misterioso no a bay cu nada.

Personal di ambulans a hiba H. na Centro Medico Dr. Rudy Engelbrecht pa e ricibi atencion medico.

Patruya San Nicolas a pone central di polis na altura di e asistencia misterioso di dos homber desconoci na preto bista arma cu machete para na H. su porta di camber cu a pone reacciona mesora pa bula bentana pe salba su biba.

- Advertisement -

DUNA COMENTARIO

Please enter your comment!
Please enter your name here