Archivo di December, 2010
Diasabra awo dia 1 di januari 2011 pa 6or di atardi
ORANJESTAD (AAN): “Nos ta ranca sali dia 1 di januari 2011 y nos ta sigui te na luna di Maart 2012”, asina Alice van Romondt, Presidente di e commission organizador di e evetonan rond di celebracion di 25 aña di nos Status Aparte a informa.
Gobierno di Aruba ta contento di por celebra cu comunidad e gran logro aki cu sin duda a nifica progreso y desaroyo obvio pa nos pais den e ultimo 25 añanan.
ORANJESTAD.(AAN); A wordo reporta diaranson algo pasa di tres’or di marduga, un caso di ladronicia na un establecimento den Bernhard straat.
Ta asina cu e homber di inicialnan K.L. a denuncia cu e anochi anterior pa mas o menos 7’or el a sera porta di negoshi y tur cos tabata na orden.
Marduga personal di compania Benjamin Security a yama e denunciante y nan a pone na altura cu a kibra drenta den “Latino”. situa den Bernhardstraat.
Dorna na Abundancia di Cultura y Musica
ORANJESTAD (AAN): Calendario di Personahe di New India Assurance ta habri 2011 cu e dedicacion pasiona cu Sr. Alphonso Boekhoudt tin añanan largo ta demostra na e gran importancia di ta conserva loke ta nos cultura. Den esaki Sr. Boekhoudt ta haci uzo di e infinito na Creatividad y Amor berdadero cu Divinidad ta brinda humanidad pa sigui expande den un ehempel fertil for di cual siguiente generacionnan tur por siña, disfruta y sigui beneficia.
ORANJESTAD.(AAN); Patruya di Oranjestad a wordo dirigi algo pasa di dos’or di marduga diaranson, pa Kamerlingh Onnestraat, na e tereno di R.C.A.
Aki polis a papia cu doño di un container cu ta carga cu clapchi.
Segun e doño cu ta e homber denunciante naci na China guardia di seguridad cu ta encarga cu vigilancia di e tres containernan cu ta contene clapchi, a wak un pickup color blanco cu tres persona sinta dilanti y den baki tin mas hende.
ORANJESTAD (AAN)—Manera ya ta bon conoci cu akin a Aruba e deporte di karting a cay drasticamente y tur loke bo ta tende cu tin cambionan cu mester bay tuma lugar, pero e unico progreso cu nos a logra wak, ta trabounan cu a wordo haci riba e pista di karting na Bushiri, pero pa loke ta trata actividadnan mes, esaki ta masha pober mes y ta un lastima, ya cu e ta un deporte hopi emocionante mes,
Sinembargo di otro banda tin e grato noticia cu Gio Wong y su yiu Bryan Wong si a sigui dilanti cu defendiendo bandera di Aruba y ultimo tempo hopi tabata esnan cu tabata testigo di e esfuerzo grandi cu a wordo haci pa asina Bryan Wong por a bay defende e bandera di Aruba na Las Vegas.
ORANJESTAD (AAN)—Un celebracion di kita sombre a wordo organiza pa Zenovio Quandus, conoci cariñosamente como Doyce of Dodo cu tabata celebrando su di 65 cumpli años.
Pa haci di e celebracion aki uno mas unico y inolvidable, a dicidi pa laga e hobennan di Rincon Boys pone drama musical.
ORANJESTAD (AAN): Recientemente DJ-rick a gana e DJ MAS POPULAR di e Back 2 Gala party caminda el a haya un BlackBerry Curve 3G y 1 luna Gratis di Data for di SETAR.
DJ-rick a bira e felis ganador pa di dos aña consecutivo.
Manera ta conoci, door di SMS Genie na 222 e Dj cu mas voto ta bira e ganador.
ORANJESTAD (AAN)—Na Aruba nos conoce hopi Polis y entre nan tin hopi Polis femenino cu diariamente ta subi caya cu e meta di combati criminalidad mas tanto possible y hopi biaha sin importa den ki peliger nan ta hinca nan curpa.
Un poco dia atras nos por a mira por ehempel un grupo di Polis femenino cu a logra haya un auto pega den un mondi y cu a wordo uza pa un atraco, caminda e personanan cu tabata den e auto aki a core drenta un mondi y a bay laga e auto atras.
Fraccion di AVP
ORANJESTAD(AAN): Na bispo di fin di aña fraccion di AVP ta wak atras riba un aña cu tabata dificil pa hopi hende, pa hopi organizacion, negoshi y pa tur e barionan.
E dolor cu nos a wak den pueblo, den wowo di e hendenan sin trabao, e empresario cu ta wak su negoshi sera, ta corda nos tur dia di e trabao cu nos tin di sigui haci pa kita e dolor y pone nos hendenan back na trabao. Nos compromiso tabata y lo sigui ta pa no descansa te ora nos pais ta back riba su pia y cu den cada cas e felicidad bolbe pa keda.
ORANJESTAD (AAN): Paseo Herencia lo cera aña 2010 cu nan tradicional celebración di fin di aña riba di 31 di December cuminsando pa 2or di atardi..
E celebración lo cuminsa cu músicaen bibo di Rincon Boys ariba plaza pa trece un dushi ambiente criolo
ORANJESTAD (AAN): Dia 10 di december 2010 tur trahador di fundacion WGK a celebra hunto nan cena di pasco na Renaissance Convention Center. E grupo a worde anima pa disjockey pitufo.
Cuminda serbi tabata varia di local y oriental. Tur persona a goza te 1.00 or di madruga. Un danki special ta bay na Compra NV y Martijn Trading cu a sponser e bunita cena pa Wit Gele Kruis.
ORANJESTAD (AAN): General Air Services & Tiara Air N.V. a celebra nan fiesta fin di aña na Westin Resort.
E animacion durante e anochi di gala aki tabata na encargo di Prive cu a pone un tremendo ambiente.
Management a duna un speech pa asina gradeci tur empleado pa e bon trabao y además a reconoce varios empleadonan cu a resalta pa nan trabao execelente durante aña.
ORANJESTAD (AAN): Cu hopi asombro, mester a mira con hobennan cu mente putri a haci hopi destruccion na e edificio di Morgan island.
Sigur un hopi mal propaganda pa nos Turismo, cu ta mira con nos Aruba a cambia den hendenan humilde y carinoso den un grupo di hobennan cu ta pensa ariba destruccion solamente.
ORANJESTAD(AAN): Dia 2 di januari, 2011 lo bay tin un misa grandi riba Plaza Betico Croes, organiza door di Reach Out And Touch hunto cu The Good Samaritan Christian Center. Esaki ta un celebracion religioso riba plaza Betico. Tur religion ta envolvi den e evento aki.
E lo cuminsa 7or di anochi y ademas di e acto religioso lo tin tambe musica religioso. Guy Viapree a splica cu nan a organiza e evento aki pa habri aña riba Plaza Betico Croes. E servicio “Un anochi di Speranza” ta cuminsa pa 7’or di anochi y entrada ta gratis.
ORANJESTAD (AAN)* Aña 2010 ta clausura den un situacion economico mundial un poco mas positivo cu un aña pasa. Poco a poco economia mundial ta mehorando, pero no tur caminda cu mesun rapidez. Na Estadonan Uni, un crecimiento modera di GDP (2.6% den di tres cuartal) ta motivo pa algun optimismo, sin embargo por observa cu no tin ainda un mehoracion den cifra di desempleo cu ta mantene su mes
na 9.8%.
Na Europa por mira un panorama mixto, unda desaroyo fuerte den país manera Alemania ta tuma lugar simultaneamente cu problema financiero profundo na Irlanda, Portugal y posiblemente Spaña, unda no tin suficiente control riba gasto publico excesivo. Mas y mas tambe escenario economico mundial ta sinti presencia di e gigantenan nobo, manera China, India y Brasil, unda ta existi un mercado di clase media creciente, cual ta percura pa un demanda grandi di producto petrolero.
