Home General Pashentnan cu sintoma di dengue mester acudi na Landslaboratorium pa pasa test

Pashentnan cu sintoma di dengue mester acudi na Landslaboratorium pa pasa test

1
0
SHARE
- Advertisement -

No mester bay Eerste Hulp na Hospital
ORANJESTAD(AAN)– Den e dianan aki tin hopi hende cu ta bayendo Eerste Hulp na Hospital pa controla nan sanger, pa verifica si nan tin dengue of no. E cantidad di pashentnan a aumenta specialmente despues di e charla cu Minister Dr. Richard Visser a organisa pa tur dokter y specialista di Aruba pa elabora riba e ultimo desaroyonan di “Dengue” na Aruba. Sinembargo, Departamento di Salubridad Publico ta informa cu despues di oranan di oficina, ta solamente e laboratorio di hospital ta disponibel pa tuma sanger di pashentnan di cual nan dokter di cas a pidi pa tuma nan sanger urgente. Pa yega na e laboratorio ey, pashentnan por pasa via e entrada principal of via e entrada uza den oranan di anochi. Pues no mester acudi na Eerste Hulp mas, solamente si bo dokter di cas of IMSAN instrui cu mester di un investigacion di sanger. Den caso cu bo Dokter di cas of IMSAN no a menciona cu mester di un investigacion di sanger urgente, e ora e pashent por opta pa pasa libremente entre 9or di mainta pa 11or di mainta na Landslaboratirum na Hospital den weekend pa por haci un investigacion di sanger. Pa pashentnan pa pariba di brug, IMSAN lo tin posibilidad pa haci test di sanger den weekend tambe pa por facilita e proceso.

Tambe ta bon pa informa cu Landslaboratorium mes ta manda e resultado di biaha na bo dokter di cas of IMSAN. Pues, pashentnan no mester keda warda riba e resultado na Hospital. Y si ta necesario, sea bo dokter di cas of IMSAN lo tuma contacto cu e pashentnan mesora pa duna e resultado.

Di e forma aki Departamento di Salubridad Publico ta spera di por baha e presion enorme cu tin awor riba funcionamento di Eerste Hulp na Hospital cu ta haya nan mes cu filanan di pashentnan cu ta yega pa tuma sanger, causando dificultad pa atende e pashentnan cu ta yega pa ricibi tratamento urgente.

- Advertisement -
SHARE
Previous articleTouche in Aruba
Next articleAuto na awa a keda misterio

DUNA COMENTARIO

Please enter your comment!
Please enter your name here