Home General Poentje Castro tira mata den su cura di cas

Poentje Castro tira mata den su cura di cas

113
25
SHARE
- Advertisement -

pontje1 (2)—BREAKING NEWS—
ORANJESTAD (AAN): Habitantenan den area di Apollostraat na Madiki enberdad a tende disparo sona masha cerca mes di nan cas riba Diaranzon anochi. Varios cacho a ladra, pero mucho cos mas no por a worde sinti.
E sorpresa di mas grandi tabata awe Diahuebs madruga, ora cu poco-poco a cuminza bira cla, y cu den su cura di cas den area di Apollostraat y Weststraat a bin haya e conocido presentador di TV, esta John Castro, mihor conoci como “Poentje”, drumi abao den un plas di sanger. Panico a drenta hende nan curpa, y mesora a notifica Polis.
E prome unidad cu a yega, a bin topa cu e situacion tristo y serio aki, y a nota cu e no ta duna señal di bida.  Mesora a seya e lugar pa evita cu ta perde rastro.
Kende a tira Poentje? Esey ta algo cu autoridad ainda no tin contesta pe. Si ta sigur cu el a worde tira varios biaha, y posiblemente esun fatal ta un tiro na su cabez.  Click “lesa mas” pa wak foto.
Recherche a nota cu bisiñanan a splica cu desde 10’or pa 11’or di anochi, nan a tende un motorcycle pasa den e caya, y despues di algun momento a tende dos tiro.  El a sona manera clapchi.  Despues a tende con e motorcycle a move cu velocidad halto.
Pero pafor no por mira nada!  E lugar unda a haya Poentje Castro benta abao, ta hopi scur.  Ta te mainta ora cu a cuminza bira cla, a bin haye benta eybao.
Tin indicacion cu Poentje lo a worde tira di un distancia basta cerca.  Esey nifica cu e asesino y Poentje a papia cu otro hopi cerca.  Poentje tabata lomba sunu, bisti cu jeans, y e tabatin slof tipo “flip-flops” na su pia, indicando cu e lo a caba di bin bek for di paden.  Coleganan di Telearuba a indica cu Poentje a bisa cu Diaranzon anochi e lo no sali bay ningun caminda.  El a worde haya benta abao net patras di su pickup, na e porta di garage.  Un tiro tabata net na e banda robez di su frenta.
Polis awor tin di check kico Poentje ta haci e ora ey pafor di cas.  E lo a caba di yega?  Of un hende a yame via celular pa bise bin pafor?  Autoridad lo desea di haya informacion di pueblo, pa sa kende por a mira Poentje riba Diaranzon anochi.  Tur e tipnan aki ta valioso.  Hasta si bo sa si acaso Poentje ta ricibiendo menaza ultimo dianan!
Polisnan a core tene un conferencia di prensa banda di 11:45 a.m., y esaki a dura djis 90 seconde, unda Polis a djis bisa cu nan “no por bisa nada”.  A ser bisa si cu un Team Special a worde lanta pa investiga esaki.
Autoridad a confisca e Pickup di dje tambe, y DIARIO a nota cu tin varios “golpi” na e vehiculo aki, incluyendo golpi fresco na bumper.  Cu Takelwagen e vehiculo a worde hiba Warda di Polis.
Polis no kier duna pueblo informe, pero Polis kier pa pueblo si duna nan informe!  Abo a mira algo den area di Madiki?  Bo a mira brommer coriendo roekeloos den area di Santa Helenastraat?  Bo tin videocamera cu por graba movimento den sea Weststraat, Driemasterstraat of Rudolf Arendstraat?  Yama Polis pa duna informacion.
John Anthony Castro a nace na Aruba dia 20 di October 1963, conoci como productor y presentador di e famoso programa “Un Dia Den Bida…” cu tin un audiencia no solamente na Aruba, pero na otro islanan tambe.  E ta ademas un persona kende a dedica su mes hopi den mundo di farandula, como tambe di su amor pa auto, mirando e hecho cu den pasado e tabata traha pa Aseguro pa asina analiza daño na vehiculonan cu a haya accidente.  E ta conoci tambe pa su coleccion grandi di bril cu e tin.
Poentje tin 47 aña di edad.

E informe aki ta ainda progresando, pues aki rato mas UPDATE riba e noticia aki.
Na famia di e fayecido, DIARIO ta manda su mas profundo palabra di condolencia.
ORIGINAL: 8:57 a.m.
UPDATED: 2:15 p.m.

poentje_sosega_na_paz

- Advertisement -

25 COMMENTS

  1. Den Feliz Memoria, † Poentje Castro † D: Sosega na Paz :'(
    Bo lo keda semper den nos memoria cu “UN DIA DEN BIDA”…

  2. Masha danki diario, boso ta uniko cu tin un website ku ta traha pa asina nos a haja info di loke a pasa. tur e otronan na aruba no ta sirbi. kasi nan no tin nada skirbi riba dje.

  3. Diario, hopi thanks pa pone e articulo aki riba boso website. Cu Poentje por sosega na paz y cu husticia por prevalece door di gara e asesino.
    Poentje Castro lo biba pa semper den curazon di e pueblo di Aruba.

  4. For di Hulanda aki nos ta manda mensahe di Sosega na pas Poentje. Danki Diario cu boso relato cu ta echt kompleet y netjes. Boso tabata e uniko internet cu twt habri awe, y pesei semper boso ta kampioen.

  5. Ta cuanto problema i danjo no tin na nos Isla stima pa fia di arma ilegal? a jega momento di baha ku man duru pa esnan ku ta kere di por hasi i deshasi manera nan kier.Subi castigo di posicion di arma fuera di esey ku un boet sumamente halto, R.I.P Poentje…..

  6. mi mas sentido pesame ta bay na famia di e fallecido, nos ta un fiel mirado di e programa , ta duel nos cu algo por pasa asina net den e temporada aki di fin di anja kaminda pas y trankilidat mester reina, dios duna boso tur forza ku es gran perdida aki,ta deseo di un fiel mirado di “UN DIA DEN BO BIDA”na Bonaire. Poentje sosega na pas den brasa di dios.y dios lo tuma sigur den su reino

  7. what a very tragic lost !!!!!!
    a very kind humble and nice person !
    I’m very sorry
    why ? why ?
    you were a very friendly and good person !!!
    strenght to his children and whole family !!!!

  8. eras un hombre muy humilde y bueno de gran corazon
    siempre con una sonriza y muy alegre
    Dios te cuide alla y muchisima fuerza y fortaleza para tu querida familia
    descansa en paz ……………………

  9. Dios cuide y bendiga a tu familia y le de mucha fuerza en estos momentos tan duros y tristes !!!!
    Aruba perdio a un buen hombre y Dios gano un nuevo angel

  10. Un golpi grandi pa e pueblo di Aruba,Poentje Castro un persona cu un estilo unico.Mi kier a dunele danki pa tur su programanan cu twt asina interesante y educativo,e twt tin e durf di bai te den extremo pa publika na tv.Paz na su restonan y hopi forsa pa su famianan.

  11. sosega na paz , poentje…………… un golpi duro pa famia y serkeri…………….. rest my friend

  12. Cu pena na mi curason i sigur un admiradora di poentje mi ta desea e familia hopi forsa cu poetje por sosega na pas semper cu su bunita recuerdo nan su programa ta uniko i sigur gusta un dia den bida cu pronto e burdugu lo wordo gara husticia pa poentje Dios companja e familia den nan tristes i tambe Aruba Be bless

  13. For di Hulanda mi ta manda un mensahe: Sosega na paz Poentje. Hopi forza pa e famia di Poentje.Mi ta hopi tristo pa tende e noticia aki.

  14. Poentje sosega na pas, semper lo bo keda den nos kurason. Lo bo hasi hopi falta den nos bida pa duna nos informashon konkreto i kompleto RIP.
    Na famianan nos mas sinsero Kondolensia.

  15. Geconduleerd, we vinden het heel erg wat er is gebeurd.
    Wij ( Familie Laclé ) wensen de Familie Castro heel veel sterkte toe.

    xx Fam. Laclé.

  16. Palabranan di Condolencia na e famia y conocirnan di nos difunto presentador Poentje Castro,,Danki pa bo bon trabou,,Semper lo bo keda graba den nos mente y curason,,R.I.P John Anthony Castro

  17. Forsa na Famia y amigonan di Poentje. Y pa su yiu nan: Boso tata tabata hopi gusta y tbt un bon emhempel pa nos hendenan!! Blessings, Hyram

DUNA COMENTARIO

Please enter your comment!
Please enter your name here