Home General Psiquiatra a conseha pa acusado ricibi guia na paaz, ora e sali...

Psiquiatra a conseha pa acusado ricibi guia na paaz, ora e sali for di KIA

0
0
SHARE
- Advertisement -

*ainda tin chens ta e no bira antisocial
ORANJESTAD(AAN): Diabierna na corte huez a duna su veredicto den un caso contra Nigel R.C.
Huez a bisa cu el a haya legalmente y convincentemente comproba cu e acusado a kibra un bentana y pochi di mata di hende y cu el a menaza e persona, riba 2 di Januari 2009.
Huez a haya tambe comproba cu na October 2009, e acusado a tira palo riba hende y a dal e persona aki cu mokete. Tambe comproba tabata e menaza di morto riba dos persona. Loke huez no a haya comproba ta cu N. a menaza agentenan policial cu morto.
El a bisa nan si: “Ora mi bin bek boso ta haya”, pero huez a bisa cu bo no por bisa cu su intencion supuestamente lo tabata pa e mata nan of lesiona nan severamente.

Huez a haya si comproba maltrato severo, esta e hecho cu e acusado a pasa cu auto riba pia di un persona, causando e persona pa perde un dede di pia. Huez a bisa cu pa loke ta e castigo el a tene cuenta cu e hecho cu e acusado tin un carchi di castigo blanco.

El a bisa tambe cu e rapport di psiquiatra ta mustra cu N. ta bayendo den direccion di bira un persona antisocial, pero cu tin chens ainda pa wordo guia riba bon caminda. E psiquiatra a conseha pa ora N. Sali di KIA, e drenta un tempo den un seccion di PAAZ pa yude cu su comportacion.

Huez a bisa cu ta dificil pa ricibi e ayudo na KIA, pues el a dicidi di duna e acusado un ultimo chens. El a duna N. un castigo di 12 luna, di cual 1 luna ta condicional.

E mester sigui tambe un curso pa regula su agresividad, e mester keda bao di guia di reclasering, e mester ricibi ayudo di PAAZ y e tin cu hasi 240 ora di trabao pa comunidad.

- Advertisement -

DUNA COMENTARIO

Please enter your comment!
Please enter your name here