Home General Top den husticia cu reunion urgente bispo di pasco y ta anuncia...

Top den husticia cu reunion urgente bispo di pasco y ta anuncia accion dianan di fiesta

0
0
SHARE
- Advertisement -

 ORANJESTAD(AAN): Un reunion di urgencia a worde yama diabierna merdia na Centro di husticia. Aki hefenan di Recherche, seguridad nacional, ministerio publico y minister di husticia mr drs Arthur Dowers tabata presente.

   Den e reunion aki a papia riba diferente aspecto cu ta regarda orden publico. Tur hende sa kico ta e situacion actual na Aruba. E dianan cu ta tras di lomba tabata tin hopi caso caminda a haci uso di arma di candela. Bebemento y control riba trafico tambe ta algun di e puntonan cu a ser atendi den e reunion.

   Pesey mes esnan cu tin intencion di comete actonan ilegal por haya nan mes den problema cu husticia. Polis ta pidi esnan cu kier stuur pa no bebe. Si tog bo core auto bao influencia y nan hayabo bo mester carga bo mesun consecuencianan.

Pa esnan cu ta usa arma tambe mester paga bon tino pasobra polis no ta tolera ningun movecion straño di e hendenan aki tampoco. Den e reunion cu top di husticia tur tabata riba mesun linja y e sosten ta total pa polis por haci nan trabao sin mucho contra tiempo.

E seguridad di e pueblo ta na prome lugar y esey ta loke tambe polis kier garantiza.

- Advertisement -

DUNA COMENTARIO

Please enter your comment!
Please enter your name here