Home Evenemento “STARS ON STAGE”, “SOS” ta bai cuminsa na Paradera y Sta. Cruz

“STARS ON STAGE”, “SOS” ta bai cuminsa na Paradera y Sta. Cruz

0
0
SHARE
- Advertisement -

ORANJESTAD(AAN)– Manera ta conoci FARPA (Fundacion Arte Pro Arte) a lansa un  campaña specialmente pa hobennan. Esaki ta trata di e proyecto ‘Stars On Stage: SOS. 

E proyecto aki, cu ta worde patrocina dor di UNOCA, Cede Aruba.

Pr. Bernhard & Cultuurfonds y Samenwerkende Fondsen N.A. en Aruba ta un proyecto fabuloso caminda e hobennan ta haya oportunidad pa siña actua y presenta nan obranan di teatro pa publico.

Esaki ta nan chens pa sigui desaroya nan talento bao guia di docente di teatro y baile, cu a finalisa nan estudio di Educacion di Arte na Instituto Pedagogico Arubano.

Hobennan di diferente bario lo prepara nan mes pa nan presentacion den bario. Nan ta prepara nan topico; nan ta ensay y despues di un par di luna nan lo ta riba scenario cu nan obra.

Pa e motibo aki SOS ta tene un campaña di promocion cu bus den bario. Meta tras di e campaña ta entre otro pa promove e proyecto fabuloso aki serca nos hobennan y nan mayornan.

Tambe SOS kier pa henter e bario sera conoci cu e proyecto y programa di SOS (Stars on stage).

Diabierna ultimo SOS tabata di bishita den e bario di Paradera y Santa Cruz. A parti flyer na scol, na e parkenan y lugar publico y a bishita cas di famia tambe pa invita e hobennan personalmente y a informa e famia di e actividad. 

Pa e grupo di Paradera e docente di teatro ta Angelo Angelo Angela.

Grupo di Paradera ta reuni caba tur diasabra atardi entre 4 or pa 6 or na Centro San Hose (net banda di misa di Paradera). Por pasa inscribi durante di e lesnan pa e bario di Paradera

Gloria Bryce for di Cuba ta e docente di teatro cu lo train e grupo di Santa Cruz.

Nan lo reuni tur dialuna atardi di 5 or pa 7or di atardi na Centro Bon Bini (ex Coney Frances). Lesnan pa Santa Cruz lo start dialuna awor dia 24 januari. For di e dia aki en adelante por inscribi na e centro pa e bario di Santa Cruz.

Hoben di Paradera y Santa Cruz! Abo yen di talento y creatividad!

Nos kier a invitabo pa forma parti di proyecto aki cu lo “thrill” Aruba e aña aki.

SOS lo a di bishita Brazil y San Nicolas ayera. A parti flyers, posters, saca portret cu tur hoben .

Pa mas informacion y pa inscribi por yama Jarmine Acosta, coordinado di proyecto; celnr. 730-9030 of Sra. Amy Lasten, coordinadora general di teatro di FARPA;  celnr, 561-0771.

Grupo di Paradera tur diasabra atardi entre 4 or pa 6 or na Centro San Hose (net banda di misa di Paradera) Grupo di Sta. Cruz tur dialuna atardi di 5 or pa 7or di atardi na Centro Bon Bini (ex Coney Frances

- Advertisement -

DUNA COMENTARIO

Please enter your comment!
Please enter your name here