Home General 2 Mucha Muher Alumno Di Scol Usando Droga

2 Mucha Muher Alumno Di Scol Usando Droga

0
0
SHARE
- Advertisement -

Mester busca pa sa kende ta suministra nan e droga

ORANJESTAD(AAN): Un caso cu a hala nos atencion y riba corto plazo ta di spera instancianan concerni lo duna un man pa guia e dos mucha muhernan hoben como alumno di scol cu a wordo atrapa ta usa droga.

Tabata despues di merdia cu patruya di San Nicolas a acudi na un scol den nan distrito.

E prome informe cu polis a ricibi ta menciona probablemente dos alumno ta bao influencia di droga.

Mesora polisnan a reacciona riba e informe suministra y a acudi na e scol en cuestion.

Na e scol polis a atende e caso lamentabel aki unda tanto e alumnonan J. di 15 aña di edad y H di 14 aña di edad a bisa y admiti di a usa marihuana.

Nan a wordo deteni mesora y den nan poder a wordo haya tambe substancia parecido na marihuana.

Polis a confisca e substancia y a hiba e dos menornan  warda di polis di San Nicolas.

E caso serio y di lamenta ta den man di husticia.

Durante di interogacion ta di spera cu e mucha muher coopera y indica kendenan ta e “Salvagenan” sin escrupulo cu a duna, entrega, of bende nan e substancia maldito cu ta causando daño, dolor pa nan studio y carera den futuro.

E momento a yega ya cu no ta e prome caso cu polis ta bay atende.

Ta recomenda pa cacho anti droga wordo usa pa bishita scolnan pa frena tanto droga y arma riba tereno di nos scolnan.

Palabra na autoridad competente, minister di husticia, minister di enseñansa y dirigentenan di scolnan hasta comision di mayornan mester wordo envolvi.

- Advertisement -

DUNA COMENTARIO

Please enter your comment!
Please enter your name here