Home Evenemento A peticion general Ripiticion Charla tocante Salud

A peticion general Ripiticion Charla tocante Salud

2
0
SHARE
- Advertisement -

ORANJETSAD (AAN): Diabierna 28 di Januari VitalChoices International N.V. lo ripiti e charla gratis tocante salud na Club Don Bosco na Noord di 7:30-9:00pm den e sala grandi. Nos disculpa na tur esnan cu a bin diamars ultimo y cu no por a drenta pa falta di cupo.

  Esnan cu si a haya chens pa scucha e charla a haya informacion balioso con nan por traha na un miho salud den e aña nobo cu a caba di cuminsa. Bin scucha con un bon Detox por yuda bo pa cuminsa traha na e bon salud ei. Bunitesa ta cuminsa di paden, vital pa esaki ta un Limpiesa Interno Regular.

Hopi ta e preguntanan cu ta worde haci: Pakico Detox? Ki organonan ta importante pa Detox? Ki relacion un bon Detox y bahamento di peso por tin cu otro? Si mi come saludabel, mi mester di un Detox tambe? Cua ta e miho forma pa haci esaki?

   Un otro topico cu lo papia di dje ta e influencia negativo cu radiacion electromagnetico tin riba nos salud. Pa algun aña caba cientos di cientifico y dokternan ta adverti riba e peliger cu ta existi door di uzo frecuente di telefon celular. A ripara cu door di expone bo mes riba termino largo na Radiacion Electromagnetico, por ehempel telefon celular, mast di celular y tur tecnologia ‘wireless’ ta haci daño na e curpa; e ta stress e sistema inmunologico, ta laga bo sinti cansa constantemente, ta daña bo DNA, por causa cancer y ta baha bo capacidad pa pensa y siña. Lo duna mas informacion tocante e peliger di Radiacion Electromagnetico y kico abo por haci pa proteha of minimalisa e peliger pa bo y bo famia. Lo duna tips facil cu tur hende por aplica den nan bida diario. 

Nos ta spera bo Diabierna 28 di Januari na e charla gratis tocante salud na Club Don Bosco na Noord di 7:30-9:00pm

- Advertisement -

DUNA COMENTARIO

Please enter your comment!
Please enter your name here