Home Policial Aruba a conoce prome morto den trafico pa 2011

Aruba a conoce prome morto den trafico pa 2011

4
4
SHARE
- Advertisement -

Dama chofer di 38 aña a muri tragicamente

not1ORANJESTAD(AAN): E mainta tabata keto asina!  Solo tabata cuminza saca su rayonan di leu, y tabata net banda di 6:50 a.m. cu un sonido di lastramento di brake a worde scucha.  Esaki a ser sigui pa un golpi duro, cu a resona den e area keto di Tarabana.

   Tabata Diasabra, y no tin school pues trafico ta mas trankil cu normal.  E chofer femenino di un Toyota Yaris color silver bayendo direccion pariba den Caya Betico Croes, pa motibo inexplicable a bay na su man robez, cuminza slip den un scual, y cu tur forza a dal contra un duo-Nest traha net un poco pariba di Kooyman Techniek.

   E duo-Nest aki ta pertenece na e Oficina di Dentista, y tambe un Stripmall chikito.

   Esnan eybanda a core yega cerca, y a mira chispa di candela, debi na e coneccion electrico.  A mira con e Toyota Yaris A-13114 tabata full kibra riba e cashi di beton, y cu e chofer ta benta paden y apenas ta murmura algo.

   Mesora yamadanan a cuminza drenta na Polis.

   Polis y Ambulans a yega, y mesora a mira e gravedad di e situaicon.  Apenas e chofer tabata reacciona, y mesora a cuminza traha riba dje.  E paramediconan a cuminza stabiliza su curpa, y hasta busca forma pa spalk su pia robez cu tabata mustra di a fractura.

   E dama tabatin dificultad pa hala rosea, pues Paramediconan a cuminza suministra oxigeno, y tambe mas infuus pa asina suavisa su dolornan.  Tabata visto cu el a bay dal cu su curpa y cabez cu tur e forza di impacto den e windshield y dashboard.  Casi full e parti di motor di e auto compacto Japones a bay paden den e compartimento di pasahero.

   Tanto Polis, Paramedico-, y voluntario tabata dunando un man.  Ora cu porfin a sake, a pone riba brancard y hibe cu urgencia pa Hospital.

    Mesora Polis a cera e caminda, y cuminza cu e investigacion tecnico di e accidente.  Loke nan lo kier sa, di con e chofer a hala na banda robez di caminda.

   Algo tabata visible di comienzo!  E chofer no tabatin su seatbelt bisti, y esaki a pone ricibi e multiple-trauma na su curpa.  E golpi fuerte lo tabata esun na su cabez.

   Unavez cu a yega na Dr. Horacio Oduber Hospital, specialistanan a pone e victima na machine pa monitor su condicion, pero mesora a mustra nan duda cu e lo por sobrevivi.

   E victima a worde identifica como Maria Gregoria Gonzales-Torres, naci na Venezuela dia 27 di Maart 1972.  E ta casa cu Henriquez.  Vocero policial a splica cu e victima no tin famia na Aruba, sino solamente su compañero di bida.

   Durante diasabra na varios ocasion di merdia pa atardi tabata drenta informacion constantemente cu el a fayece. Net prome cu anochi a drenta informacion for di Cuido Intensivo cu Maria a fayece.

   Riba e fotonan aki por haya un bista, con fuerte e impacto tabata riba e nest di coriente aki.  Na famia di e fayecida ta bay palabranan di condolencia.

- Advertisement -

4 COMMENTS

  1. venezuela, tachira, san cristobal, barrio alianza, carrera 2, casa numero 0-50, telefono 0276 3471439, 0412 0741464, 0412 6567237, 0276 3472526. soy prima de la fallecida en accidente trancito publicado en este periodico, no hablo o escribo papeamento, por favor si se pueden comunicar para cualquier informacion, se los agradeceria. la familia esta muy consternada y triste por lo sucedido. mil gracias. estos son algunos correos electronicos: tonnyrojassuescun@hotmail.com mayrabarriostorres@hotmail.com

  2. buenas tardes lamento mucho la perdida de una gran amigala conoci hace 10 años y en relacion al comentario de no beber mientrasmanejes no esta demas pero si fuera de lugar en este caso.ella no estaba ebria ANTES DE COMENTAR INFORMESE. DIOS LA TENGA EN LA GLORIA NO SOMOS QUIENES PARA JUZGAR SOLOACONSEJEMOS PERO NO COLOQUEMOS UN EJEMPLO QUE NO TIENENADA QUE VER CON BEBIDAS. SOLO GANAS DE BAILAR.SALUDOS

DUNA COMENTARIO

Please enter your comment!
Please enter your name here