Home Deporte Aruba Ta Cla Pa Competencia Di Copa Betico

Aruba Ta Cla Pa Competencia Di Copa Betico

0
0
SHARE
- Advertisement -

cabay_betico__ (2)Competencia pisa den tanto cabay como yewa

ORANJESTAD (AAN): E prome competencia equino di aña “Copa Betico” fiha pa fin di luna, ta priminti di bira un clash formal. E ehemplarnan cu a bin pa “Interpaso” cu a keda, a haya pleno oportunidad pa aclimatisa y pa ta awor den forma optimal pa competencia.

Ta bin acerca cu tin algun ehemplar jong cu lo haci nan debut cu ta mustra gran futuro y aunke lo tin hende cu no ta mira nan directamente como un menaza, no ta inimaginabel tampoco cu nan ta pendiente pa cay den premio, si cualkier di e grandi nan trompica.

Pa e competencia di dia 29 y 30 di e luna aki a cuminsa tende gritonan di reto entre cabayistanan y sigur entre e fanaticada di cada cabay. Nan ta claim cu “Ritmico” di Alex Mansur ta e miho cabay di momento y cu den e competencia di Diasabra e lo demostra esey.

Otro ta bet riba “Escandalo” di Patsy Mansur, cu ta un cabay cu a logra e segundo puesto den su categoria den e Mundial di Merca y cu ta cla pa un pelea escandaloso pa e prome lugar.

E otro macho cu ta haciendo basta desordo ta “Expresso” di Fausta Oduber. E tabatin su alti-baha, pero na e momento aki e ta cla pa e pelea grandi.

Den yewa tambe tin 3 ehemplar cu ta garando e mayor comentarionan publico. “Lirica” di Alex Mansur cu a bin pa Interpaso ta den gran forma y cu su stampia grandi ta mustra di ta lidera e opinion. “Tartarina” di Alex Cybul y Eric Mansur ta un yewa totalmente cambia y den feria lo no reconoce mas, como e yewa cu a bin di Corsou. “Dantata” ta un yewa cu Mario Bruin a caba di ricibi cu boto di Colombia den e ultimo parti di aña pasa, pero den su prome presentacion publico el a hala atencion pa e paso sabroso y defini cu el a demostra.

E division di yewa ta mas complica cu esun di macho, ya cu tin mas caiman na boca di riu. Asina por menciona Mision di Maritza Werleman, Yerbabuena di Alex Cybul y Eric Mansur, Anaconda di Alex Mansur.

Tin varios ehemplar jong ta bay sali den e feria aki, loke ta aumenta e interes, ya cu e fanatico ta tendiendo di nan, pero no sa mucho di nan. Lucho Claro por ehempel tin Serenata (yiu di Expresso den Esperanza), Soñadora (Aramis den La Celosa) y e potro Festival (Aramis x Estrellita).

Dario Alberto Jimenez ta preparando dos ehemplar debutante di su propio lote. Retador ta yiu di Teniente den Cielo de Amistad y e tin tambe e troton Candela, cu ta un yiu di Candil den Almendra.

Otro noticia ta cu den e competencia aki lo debuta tambe Alex Cybul como e montado oficial di Rancho Monte Blanco. E criadero a keda sin montado despues di e ida di Alejandro y Alex a asumi e encargo di montado.

- Advertisement -

DUNA COMENTARIO

Please enter your comment!
Please enter your name here