Home Cultura Bin Cu Bo Ideanan Encuanto Actividad Di Boto Miniatura

Bin Cu Bo Ideanan Encuanto Actividad Di Boto Miniatura

1
0
SHARE
- Advertisement -

ORANJESTAD (AAN): Fundacion Rancho a worde funda dia 20 di april 2010 cu e meta di conserva/proteha e Historia Social Cultural di e bario di Rancho. Manera e arte di Piscamento, trahamento di Boto di Piscado, pustamento di Boto di Piscado y tambe e trahamento y pustamento di e Boto Miniatura.

   Cual porcierto a bira un Actividat Social masha grandi y masha bunita mes. Cu awendia ainda ta worde practica y no solamente aki na Aruba, pero na nos hermana islanan tambe. Pues e ta parti di un Historia cu ta mara e tres islanan cu sa partisipa activamente na actividatnan cu cada un di nan sa organiza.

Ta intencion di Fundacion Rancho pa duna un man na e organizacionan existente aki na Aruba. Pa asina hunto nos traha na engrandece fortalece y mantene e Historia di trahamento y pustamento di Boto Miniatura.

Pa esmotibo Fundacion Rancho kier organiza huntu cu tur esnan den e mundo di Boto Miniatura un careda den e Bahia di Waf Chikito(Schoenerhaven). Pa asina nos tur traha hunto na re-biba e area di Schoenerhaven back, manera tabata e caso den pasado. Pues ta e intencion pa tin un careda Nacional dia 25 di Januari 2011, den bahia di Schoenerhaven. Pa asina nos prepara pa un actividat Internacional pa 18 di Maart 2011, cual porcierto ta desea di por hacie den e bahia tambe.

Pues ta haci un peticion na un y tur pa duna nan sugerencia y critica den forma di un Dialogo, pa asina nos por yega na organiza un actividat cual tur hende lo bay keda contento cu ne. Tambe e intencion mas grandi ta, e Union y pa e actividat di 18 di maart, bira no solamente un actividat di pustamento di Boto Miniatura. E intencion ta pa tur tres isla trece e Historia di Boto Miniatura den nan contexto.

Fundacion Rancho kier a haci un yamada na Voluntarionan cu kier forma parti di E comicion cu lo bay traha pa asina nos logra di tin e actividatnan aki realisa. Pa pone bo mes disponibel y pa mas informacion, por hacie via mail di stichtingrancho@live.com

- Advertisement -

DUNA COMENTARIO

Please enter your comment!
Please enter your name here