Home General BlackBerry di “Poentje” a worde manda Hulanda

BlackBerry di “Poentje” a worde manda Hulanda

2
1
SHARE
- Advertisement -

Ministerio Publico a confirma:
ORANJESTAD (AAN): Siman pasa relaciona cu e asesinato na December di Poentje Castro, productor y presentador di e conocido programa “Un dia den Bida”, su smartphone di Research in Motion, esta BlackBerry, a worde manda Hulanda pa investigacion. Manera ta conoci te ainda husticia no a pone man riba esnan of esnan responsabel di e asesinato cruel di “Poentje”. Hopi ta pensa cu esaki lo por bira un Cold Case debi masha poco esnan na cabez di e investiga no ta bisa nada.


Varios hende den pueblo ta furioso, cu Polis a dicidi pa “keda boca cera” y no ta ni sikiera duna publico un informacion. “Si bo duna pueblo ‘ABC’, pueblo lo dunabo DEF…” Pero Polis a opta pa djis keda keto. Y resultado di esey? Ya un luna a bay, y nada!

Parce cu no a siña nan les di e fracaso di investigacion di Natalee Holloway!
A compronde cu e team special encarga ta trahando incansabel pa soluciona e caso di Poentje.
Bastante informe a worde compila y un di e punto cardinal tambe ta e contenido di entre otro un BlackBerry cu lo por tin hopi informenan valioso cu por yuda soluciona y yega fuera confirma kende (nan) lo por ta meti di e asesinato di “Poentje”.

Tin un problema, esta cu tur informacion cu ta worde manda via BlackBerry, ta “codifica”, di tal forma cu ni na Aruba e por worde decifra. Esaki tin di bay worde haci den exterior, y pesey e BlackBerry a worde manda Hulanda.

Tog DIARIO a haya sa, cu tin cantidad di persona cu a worde scucha den e caso di “Poentje” caba informe ta importante pa e team investigador. E caso aki mester wak luz di dia pa cual tambe a lanta un team special cu ta sigui compila dato cu finalmente nan por actua y bay over na detencion di esun of esnan responsabel pa e asesinato di “Poentje”.

Amigonan, conocirnan su fanaticonan y no lubida familiars kier wak e caso soluciona. Si ainda tin ciudadano cu lo por tin informe nan valioso sigur ta na su lugar pa husticia vence. Cada informe, tip, ta importante por worde usa pa soluciona e caso cu tin comunidad preocupa.

Mas ainda cu a tuma lugar diferente asesinato hasta personanan cu a desaparece cu nunca no a worde soluciona. A bira tempo pa pueblo tambe coopera pasobra awe tal y mayan por ta un miembro di famia.

Pa cual tin tip line desponibel pa yama duna informe cual ta keda confidencial.
Cu e BlackBerry smartphone a worde manda Hulanda, a keda confirma pa medio di vocero Sra Ann Angela encarga cu Ministerio Publico.

Sigur e BlackBerry ta den man di expertonan di Florensic Instituut na Hulanda pa saca compila delaster mensahe yamada corespondencia cu e victima a hiba y cu kendenan.

Dentro di poco ministerio publico cu ta encabeza e investigacion lo por tin informenan clave cu su team di Recherche lo por haci uso di dje cu sea sera e capitulo cu a detene esnan responsabel di e morto cruel di productor “Un dia den Bida”.

- Advertisement -

1 COMMENT

  1. Querido Redactor,

    A bira tempo pa Korps Politie cuminsa manda candidatonan cualifica pa studia; ” Forensic Sciences”, y tur otro sciencia neccesario pa resolve e casonan aki. OF contrata e expertonan aki for di Hulanda of Merca pa bin juda pa asina nos por drumi cu mas siguridad anochi.

    Sikarionan ta mustra di ta e hendenan mas pasivo, i rustig, tin biaha hasta mane nan ta bisa na papiamento moderno ( motrihamber), cu nan ni por hasi danjo na un moskita, pero ta net eseynan ta e peliger. Mi ta bisando cu otro palabranan di paisnan dudoso of conoci pa e tipo di crimenan aki cuminsa EXIGI un raport (clearance)di nan pais, whether e ta di Colombia, Venezuela, Surinam, of Sto. Domingo, nan ta e hendenan di mas neccesidad cu lo mata pa $200.00 of $300.00.

    Finalmente i no pidi ningun otro aumento ni promocion, ni vakantie te ora nan solocion “1” caso. Tambe Polis tin cu cuminsa drecha nan actitud cu pueblo, ta nos ta paga bo salario i nos ke sinti sigur i hanja resultado sino nos tin cu bira mane Merca cu tur hende ta cana rond arma.

    Diario mi no ta mind si boso publica locual ma scirbi e ta bon consehonan cu por juda, pero si ta posibel mantenemi anonimo paso majan nan e bez di usa mi consehonan construcivamente nan lo ke bin busca represalia, un practica bon conoci di polis!

    Attentamente,

    Un jiu di tera cu stima su Isla.

    ps. I si ta bai publica please lagami sa den cual edicion. (pasa e e-mail aki pa Jossito)

DUNA COMENTARIO

Please enter your comment!
Please enter your name here