Home General Castigo di 4 luna pa falsificacion di paspoort

Castigo di 4 luna pa falsificacion di paspoort

2
0
SHARE
- Advertisement -

ORANJESTAD(AAN): Diahuebs na corte di husticia a tuma lugar un caso contra Y.E.A.V y S.G.S.
Nan a wordo deporta, pero e caso a wordo trata. E abogadonan cu a bin pa representa e acusadonan no a wordo permiti di representa e sospechosonan, pasobra actualmente tin un regla na corte cu ta pone cu si un abogado no haya un apoderacion por escrito di e sospechoso, e no por representa e sospechoso, si e sospechoso no presenta na corte. E caso a tuma lugar sinembargo asina mes.
A.V a wordo acusa di, conhuntamente cu otronan of un otro, a hiba ambtenaar di Burgerlijke Stand y Gobernador di Aruba pa saca un pasaporte falso den e periodo di prome di Maart 2008 pa 31 di Mei 2008.

Tambe e ta wordo acusa di posesion di un pasaporte falso y di a intencionalmente haci uso di dje pa viaha den e periodo di 28 di December 2008 te 11 di Januari 2009.

G.S. ta wordo acusa di, conhuntamente cu otronan of un otro, a hiba ambtenaar di Burgerlijke Stand y Gobernador di Aruba pa saca un pasaporte falso den e periodo di prome di juni 2008 te prome di Maart 2009.

Tambe e ta wordo acusa di posesion di un pasaporte falso den e periodo di prome di Juni 2008 te prome di Maart 2009. G.S. ta wordo acusa di a intencionalmente haci uso di un carchi di identificacion falso den e periodo di prome di Juni 2008 te prome di Juni 2009.

Fiscal a exigi un castigo incondicional di 4 luna contra e sospechosonan y huez a bay di acuerdo cu exigencia di fiscal. Interesante den e caso aki ta cu e hendenan aki aparentemente a wordo yuda pa un of mas hende cu ta traha den Censo.

Sinembargo te ainda no tin indicacion si autoridadnan sa ta ken na Censo a yuda e personanan aki.

- Advertisement -

DUNA COMENTARIO

Please enter your comment!
Please enter your name here