Home Evenemento Dia di Betico 2011. Hasi un recorido di nos herencia

Dia di Betico 2011. Hasi un recorido di nos herencia

0
0
SHARE
- Advertisement -

ORANJESTAD(AAN)– Diamars, dia 25 di Januari, entre 10’or di mainta pa 2’or di merdia publico en general ta bon bini pa hasi un recorido na  Museo Arqueologico Nacional Aruba y Museo Historico Aruba.

Salanan di exposicion lo ta habri gratis pa pueblo di Aruba riba e dia di fiesta nacional. Na Schoenerhaven, entre 9’or di mainta te cu 6’or di atardi interesadonan por disfruti di hungamento di boto miniatura, un actividad organisa pa Stichting Rancho cu meta pa conserva tradiccionnan tipico di e bario di Rancho.

Na Museo Historico den Fort Zoutman bar y cushina lo ta bon surti cu cuminda tipico y coi bebe pa esnan cu kier refresca nan garganta durante nan keiro den Oranjestad. Un bishita na e Fort y exposicion ta un beradero paseo den historia. Na Museo Arqueologico, cu ta keda den Schelpstraat, net patras di Kong Hing Supermarket den Havenstraat, Stichting Rancho lo haci un fundraising pa nan fundacion cu bendemento di T-shirts, buki y mas cu claro coi bebe y pasa boca tipico di e bario.

Stichting Rancho alavez lo percura pa duna guia den e exposicion temporario “Rancho”, na di Museo Arqueologico. Pa 11’or di mainta y 1’or di atardi interesadonan por haya un guia cual ta sigui cu un caminata pa Schoenerhaven pa e actividad di hungamento di boto miniatura. Dia di Betico lo cera e exposicion ’Rancho’, cual a habri dia 26 di Juli 2009, pues ta ultimo oportunidad pa publico por bishita e exposicion exitoso y sumamente interesante aki.

Mas cu claro, salanan di exposicion permanente di Museo Arqueologico,  cual lo asombra e bishitante cu su exposicion moderno y ‘high-tech’ tambe lo ta habri. Pa esnan cu nunca a haya tempo di bishita e exposicionnan di nos Museonan e dia di fiesta aki ta un oportunidad unico pa hasi un recorido di nos herencia.

- Advertisement -

DUNA COMENTARIO

Please enter your comment!
Please enter your name here