Home General E “ekipo di construccion” di Gabinete Mike Eman a cuminsa construi Linear...

E “ekipo di construccion” di Gabinete Mike Eman a cuminsa construi Linear Park

1
0
SHARE
- Advertisement -

linearparkmeORANJESTAD(AAN)– – Poniendo man na obra e Ministernan encarga di Gabinete Mike Eman a duna inicio na un di e proyectonan mas grandi di su indole den Caribe cu ta e Linear Park.

E ceremonia di ground breaking a tuma lugar ayera mainta den becindario di Neptali Henriquez Park, net dilanti di e edificio di ATA.

A toca honor na Minister di Obranan Publico Benny Sevinger pa maneha e chubato pa coba e prome buraco den e construccion aki, Prome Minister Eman a basha e cement pa asina Minister Otmar Oduber di Turismo por a pega e prome bloki. Tur esaki bou aplauso di esnan presente.

 

Linear Park ta un di e proyectonan cu ta representa e vision di e Gobierno actual guia pa Prome Minister mr. Mike Eman.

Eman na e ocasion aki a trece dilanti cu for di tempo cu nan tabata den oposicion a wordo constata un deterioro den e producto Aruba riba tur nivel di e isla.

Pesey un di e temanan cu Departamento di Turismo ta cana fuertemente cu ne ta un “Un Aruba dushi pa biba ta un Aruba dushi pa Bishita”. 

Esaki ta motibo cu a crea un infrastructura atractivo pa recreacion pa e hendenan di Aruba, pero tambe ta forma parti esencial di e imagen nobo di un pais Aruba recupera pa e turistanan disfruta di dje.

Prome Minister Eman, kende ta masha orguyoso di e proyecto aki, no por a keda sin pidi un aplausa pa su coleganan di Turismo Otmar Oduber y Infrastructura Benny Sevinger, kendenan ta directamente envolvi cu e proyecto aki.

Na mesun momento e Prome Mandatario a señala cu e ta spera cu e compania cu a gana e bidding, por mantene e prijsnan cu cual nan a logra e bidding aki.  

Si logra esey, e fondo y recursonan limita por wordo gerek mas ainda y logra mas di e proyectonan importante aki.

Linear Park ta un proyecto cu ta cuminsa for di e rotonde Las Americas y ta sigui te na e brug di Lagoen.

Ademas di e proyecto aki, lo sigui cu e trabounan riba e edificio di Corte, otro siman ta cuminsa oficialmente cu Watertoren y esun riba infrastructura di Caya Grandi den algun siman.

Rond di e fecha di Dia Nacional lo cuminsa cu e proyecto grandi di nos Centro Historico, rond di Bestuurskantoor cu lo haya e nomber di Padu Lampe.

E proyecto aki y tur e otronan cu tin den “pipeline” lo trece un cambio grandi na Aruba na final di e gobernacion aki.

- Advertisement -

DUNA COMENTARIO

Please enter your comment!
Please enter your name here