Home General Fraccion di MEP a bira uno yena di Parlamentarionan cu side job

Fraccion di MEP a bira uno yena di Parlamentarionan cu side job

0
1
SHARE
- Advertisement -

Materialismo dominando den e fraccion
ORANJESTAD (AAN): Mayoria parlamentario di MEP su fraccion no ta sinti ningun efecto dje ley di versobering, ya cu varios di nan tin parlamento como un “side job part time”.
E idealismo cu mester ta e motor pa cualkier politico pa sirbi su pais, a para bira materialismo na momento cu varios parlamentario di MEP ora cu nan a drenta Parlamento a keda traha activamente na nan bufetenan tur dia.
Tur siman envez di ta den reunion den parlamento, nan ta den corte pa nan clientenan, cu por cierto ta paga nan pa defende nan casonan y no ta trabao voluntario manera cu e parlamentaria cu ta ni carni ni pisca kier pretende.
Pero esaki no ta stroba nan di hasta defende nan clientenan cu interes comercial, envez di defende e interes general di pueblo den parlamento fulltime. Entrante januari tur parlamentario a bay atras den salario cu centenares di Florin y a cobra menos. Pero segun sra Evelyn Wever e salarionan lo a aumenta entrante e luna aki.

Porta el a bruha di payslip y a conta su dos entradanan hunto, esta esun pafo di parlamento y esun part time den parlamento. Su conflicto di interes di su dos trabaonan a bira visibel ora cu por ehempel a trata e reunion publico di Valero aña pasa, cual den e reunion publico den parlamento e lo mester a para banda di pueblo si acaso e lo tabata tey.

Pero claro cu e no por bay ataka su mesun cliente cu el a yega defende den corte contra interes di pais Aruba. Pa cual el a scoge dia di e reunion publico ey? El a scoge mescos cu dia di e ley di versobering: el a baha na awa y pues no tabata ni carni ni pisca. Loke cu sra Evelyn a haci den e reunion na December di keda sin vota y sali bay no ta un comportacion nobo. Ta su custumber di huy ora cu cos bira cayente.

- Advertisement -

1 COMMENT

  1. No ta solamente e asunto di “side Job” locual ta
    causa mas preocupacion ta e falta di inteligencia di e partido chikito esta MEP. Nan a tuma e caminda pa disparse e partido den un par di anja !!!

DUNA COMENTARIO

Please enter your comment!
Please enter your name here