Home General HOF a trata peticion di Maria Berry

HOF a trata peticion di Maria Berry

0
0
SHARE
- Advertisement -

mariaberry2ORANJESTAD (AAN)* Ayera tardi cu porta cera hof a trata e caso cu Maria Berry nos colega fotografo a entama contra di Ministerio Publico pa e inhusticia cu e mester a soporta na man di esaki sin cu el a haya ni derecho di hiba palabra.

    Coleganan di diferente medio di prensa a haci acto di presencia pa cu e caso aki, na unda a demostra solidaridad cu Maria.

     E caso a worde trata cu porta sera y hueznan a duna Maria y su casa e oportunidad pa por papia cu ta algo hopi importante.

     Huez a mustra cu ta Maria a provoca e incidente algo cu prensa completo ta desaproba rotundamente. Maria a bisa huez cu el a cumpli cu su trabao y el a bay para na e lugar indica cu security guardnan a indike.

    Maria a grega tambe cu el a bin busca husticia, esaki el a bisa despues cu hueznan a reclame cu tin un gran cantidad di miembronan di prensa presente.   Maria a declara na huez cu e no ta busca sensacion pero el a bin corte pa busca husticia.

   Casa di Maria a declara cu na pia di trabao Maria a worde agredi cu te dia di awe e no por traha.  Y kico huez ta pensa hacienda su trabao sintando den corte y como cu un acusado no ta di acuerdo cu huez e por dal huez un bofta anto, pasobra esaki ta e mensahe cu Ministerio Publico y e hueznan kier ilustra.

    E  hueznan a spanta hala patras. E casa di Maria a bisa ademas tambe cu si un hende no ta di acuerdo mes e no por yega dal y tuma husticia den su propio man. Por ehemplo si casa di Maria a dal e criminal Hagens ey, anto lihe Ministerio Publico lo laga detene. Otro persona lo bay 10 dia sera. Den caso di e polisnan cu a maltrata un acusado, nan a worde deteni anto ta Glenn Hagens so por cana riba caya manera nada a pasa.

     Maria a presenta cu prueba cu e ta malo y cu e no por traha. Ademas su potretnan cu a worde saka na hospital, na un manera misterioso a somenta for di archivo di hospital.

     Maria a bay cubri un caso na unda cu tin un melding cu un hende muher a cay for halto, Ministerio Publico a investiga ta kico a sosode cu e muher aki a cay? Y pakico Hagens no kier pa saka potret a caso tin algo di sconde? Kico e tin di sconde?

    E caso a dura mas cu un ora y hof a bisa di lo dicta sentencia dia 3 di Februari venidero.

    Tin miembronan di prensa cu tin contactonan internacional, na unda por cierto e caso di  Maria ya ta conoci pa SIP y a worde publica caba mundialmente. Prensa local ta di opinion cu lo acerca otro organizacion y agencianan di noticia internacional, mirando cu Ministerio publico no ta duna garantia pa e periodista haci su trabao sino ta habri porta pa mas abusonan tuma lugar manera ta e caso di un colega Richard Lacle, na unda cu el a worde agredi hacienda su trabao.

    Tambe e decision di corte, si dicidi di no practica husticia pa Maria, lo afecta e libertad di expresion cu ta hancra den nos constitucion y pa salvaguardia e derecho aki lo bay internacional y lo denuncia husticia hulandes cu ta practica husticia di clase.

    Ademas agencianan di Noticia manera CNN, FOX,  CBU y otro cadenanan prestigioso lo ta mas cu dispuesto pa yuda trece e caso aki den tribunal di derecho humano y derecho di expresion di Nacionnan Uni.

    Den esaki lo bay demostra con husticia hulandes ta permiti pa silencia e periodista y ta duna luz berde pa obstaculiza su trabao diario cu ta contra di nos constitucion y contra di pactonan internacional y ta permiti cu e burdugo Hagens ta tuma ley den su propio man agrediendo un muher indefenso.

   Nos di Diario kier mira husticia worde haci na unda cu ta pidi huez pa persigui Hagens pa e crimen cu el a haci!

- Advertisement -

DUNA COMENTARIO

Please enter your comment!
Please enter your name here