Home Policial Homber a trata di drenta cas via bentana di baño.

Homber a trata di drenta cas via bentana di baño.

0
0
SHARE
- Advertisement -

Menor su gritonan a pone na careda

ORANJESTAD.(AAN): Polis a bay cu urgencia na un cas situa den Urataca pa asisti un mucha menor di edad cu a yama solicita nan presencia.

Segun e mucha homber, un homber a trata di drenta e cas.

E mucha tabata su so na cas.

Mesora e centralista a notifica e patruya di Santa Cruz pa bay mesora na e direccion.

E yamada a keda registra pa 11’or di mainta.

Patruya den un fraccion a yega na e cas y polis a topa dos mucha homber panort di e cas. E mucha homber di inicialnan W.C. di 13 aña di edad cu sigur a hiba susto a declara cu su so tabata na cas y na dado momento el a scucha desorden.

El a bay averigua un que otro y a wak den baño un homber cu casi su mitar curpa ta drentando via bentana den cas.

E homber a keda desconoci cu su cara tapa.

E mucha a spanta alaves a cuminsa basha gritonan di auxilio pero na mesun momento el a yama warda di polis pa solicita asistencia.

E gritonan tambe a wordo scucha pa esnan den vecindario.

E homber desconoci despues di a wordo descubri a logra core bay.

Polis tin pleno atencion di e sucedido y lo atende e caso tambe cu mayornan di e mucha.

- Advertisement -

DUNA COMENTARIO

Please enter your comment!
Please enter your name here