Home General Hopi incertidumbre relaciona cu areglo nobo di pension di APFA

Hopi incertidumbre relaciona cu areglo nobo di pension di APFA

0
0
SHARE
- Advertisement -

Parlamento mes no conoce contenido di decreto:

ORANJESTAD (AAN) – Den conferencia semanal di prensa di fraccion di PDR, mr. Andin Bikker a contesta pregunta tocante e decreto cu gobierno a firma finalizando aña 2010, relaciona cu pension di empleadonan publico, esta APFA.

Parlamentario mr. Bikker a duna di conoce cu ta den prensa el a tuma nota cu gobierno a firma e decreto pa e cambio den pension di ambtenaarnan, finalizando aña caba.

El a menciona cu den Parlamento mes tin un griffier cu hopi aña di experiencia, cu a pidi su retiro pa bay cu pension prematuramente, debi cu e areglo nobo di pension ta trece incertidumbre y cu e ta convenci cu e lo bay atras si e keda sigui traha cu gobierno.

Bikker a señala cu Parlamento no a wordo informa kico esaki ta encera, y gewoon nan a wak den corant cu e acuerdonan a wordo firma.

Parlamentario mr. Bikker a bisa cu e lo haci preguntanan na e ministernan concerni riba e areglo aki, y e ta kere cu incluso ta posible cu un reunion lo ta necesario, of alomenos e Comision permanente encarga cu Economia, lo mester invita e ministernan concerni pa nan bin duna un splicacion, y tambe pa, en todo caso, nan por lesa den e documentonan kico ta e contenido di e decretonan cu a wordo publica.

Bikker a splica cu ta trata aki di decretonan of landsbesluit cu no ta pasa via Parlamento, pero nan ta keda na discresion di e ministernan, Raad van Advies y Gobernador.

Y mirando cu cerca di cas mes (Staten) tin preocupacion palpable cerca diferente persona cu nan posicion huridico y nan pension, ta deber di Parlamento como representante di pueblo y mirando cu tin cierto voznan cu ta lanta den comunidad, y incluso un caso den Corte prome cu aña a cera, pa cierto garantianan cu no a wordo duna, y cu ta crea incertidumbre riba e realidad legal, mr. Bikker como Hurista cu experiencia, semper e kier haya e ley, y informacion relevante pa e por studie y emiti su opinion. Bikker ta lamenta cu e documentonan aki no a yega Parlamento ainda.

Bikker a splica cu aparentemente na aña 2004, tabata tin un cambio den ley cu a duna e minister concerni cu finanzanan publico, e mandato pa e regla esaki via decreto, pero como cu e ta politicamente impopular, el a keda drumi di 2004 bin ariba, y aworaki e podernan a wordo uza. Bikker a reitera cu mester bin aclaracion riba e efectonan legal cu e decreto aki lo trece pa tur esnan concerni, ya cu e no por huzga pa un caso individual cu a pidi su retiro pa motibo di e areglo aki, locual por cierto e ta lamenta ya cu ta trata di un griffier cu hopi experiencia.

Bikker a comenta tambe cu incluso bao di sindicatonan di sector publico, tin preocupacion y incertidumbre rond di e areglo nobo di pension pa empleadonan publico.

- Advertisement -

DUNA COMENTARIO

Please enter your comment!
Please enter your name here