Home Policial Intruso A Logra Drenta Horta Mas Cu 90 Kilo Di Coca

Intruso A Logra Drenta Horta Mas Cu 90 Kilo Di Coca

0
0
SHARE
- Advertisement -

Caso di kraakmento caha fuerte di Team di Aresto

ORANJESTAD (AAN): Lesa con droga ta pone hende bira y haci pa bay asina leu di drenta den Caha Fuerte di “Team di Aresto”.

   Un informe cu a acapara atencion ta relaciona cu un caso cu ta halando basta atencion bao di  comunidad Surinameño.

   Den caso aki di e droga horta conoci como drugzaak A Team tin diferente sospechoso deteni. E caso mientras tanto ta worde trata den Corte di husticia.

    Informe ta indica cu tin te ainda 6 hende deteni cu ta worde sospecha cu ta meti den hortamento di mas di 90 kilo di droga. E huez na Suriname a scucha den e caso complicenan V. y Winston como testigonan.

   Un otro sospechoso , Clarence W. ta un agente policial. Mientras e sospechoso V. ta un comerciante cu a declara den corte cu W. na den aña 2008 a pidie pa duplica dos yabi.

   Como motibo cu W lo ta ocupa pa sigui curso di ehercicio, V. a copia e yabinan y a  dune nan. Na un otro momento e ta conta V. cu e droganan cual ta confisca pa e Team di Aresto e kier tira para riba nan, pero  e no a logra pasobra e Cocaina a worde movi.

   Mas despues V. a bise cu e lo bay Hulanda y W. a puntre si e kier pa trafica e droga, pero V cada vez ta nenga. Hasta pasashi a worde paga pa W. Durante confrontacion den corte a mustra na V . e potretnan di algun yabi y el a reconoce nan.

    Despues e sospechoso Winston a worde scucha contra di W. E dosnan aki ta ruman, mientras Winston ta den libertad. E ta  declara den corte cu su ruman homber a conte di tin hopi capital cual e ta desea di inverti. Winston a bin cu e idea pa cumpra dos machine di coba.

   W. a dicidi di cumpra e mashin cash na un balor di 46 mil Euro. Pero e no a pone cumpramento envez di pone esaki riba su propio nomber el a pone riba nomber di Winston. Nan a cumpra e mashin cerca M.M  te na Livono.

   Investigacion realiza a conclui cu e mashin a worde cumpra y paga cash. Pero e bendedor M.M. a produci recibonan falso pa aparenta cu e pago a worde haci den termino di 6 luna, pa cual e tambe a worde deteni.

  Un inspector di polis a duna di conoce cu e nomber di W. a worde menciona caba door  di un testigo. Riba e dia encuestion a drenta informe di ladronicia. Segun e investigacion e ta bay tocante di 90 kilo di Cocania cu ta falta den e kluis di Team di Aresto.

   E caso den luna di Februari numa a worde poni den su man. Segun e, W a bin den picture y despues V.  a duplica e yabinan  E otronan via di tapmento nan a descubri.

   E sospechoso Winston a worde descubri su participacion pasobra W tin e mashin di coba y otro articulonan riba su nomber. Mientras un otro inspector di polis, tambe a worde scucha den e caso aki.

   Durante di e investigacion e no tabata indicacion tampoco e ta sigui bisa e no sa nada di e caso. E abogado di V. a pidi hues pa laga su cliente temporalmente den libertad.

   E tin caba 6  luna den detencion preventivo, y E ta worde acusa di a suministra informacionan telefonicamente.

   Huez riba 25 di Februari lo averigua si e ta bay honra e peticion di e abogado. E caso a worde suspende te cu 7 di februari venidero. DIARIO pa medio di su informante na Suriname lo sigui pone lectornan na altura con e caso  lo termina.

- Advertisement -

DUNA COMENTARIO

Please enter your comment!
Please enter your name here