Home Evenemento Koningin wilhelmina fonds na drempel di su 50 aña di existencia!

Koningin wilhelmina fonds na drempel di su 50 aña di existencia!

0
0
SHARE
- Advertisement -

ORANJESTAD (AAN) – Otro siman, dia 4 di Februari Koningin Wilhelmina Fonds ta conmemora su di 50 añanan di existencia, sirbiendo comunidad di Aruba riba tereno di cancer, tanto preveni como pa sostene hopi pacient y nan famia den e momentonan cu e malesa toca nan porta.

Manera ta conoci KWF ta un fundacion sin fines di lucro, cu ta dedica su mes na brinda ayudo na pacientnan di cancer, tanto e hendenan muher cu ta sufri di cancer na pecho como tur otro ciudadano, cu ta acudi na nan, pa causa di e malesa aki.

Tin diferente manera con e fundacion ta yuda riba e tereno menciona, y ta a base di donacion di pueblo mes y algun instancia of individual cu nan ta ricibi, nan ta yega na e fondonan pa haci nan labor altruista aki.

WKF y pueblo ta traha hunto den un sorto di simbiosis, esta cu e fundacion ta yuda esnan cu tin e necesidad y nan famianan cu nan sosten, y pueblo ta yuda e fundacion pa logra nan meta.

Pa conmemora e fecha tan importante aki, cu KWF a nace cu un meta cu ta indispensable caba, lo tin un Santo Sacrificio di Misa diabierna 4 di Februari pa 7’ or di anochi na Misa San Francisco di Playa.

Un bunita ocasion pa gradici e Fundacion, dirigi pa sra. Lili Prins y un directiva hopi activo, cu ta traha a base boluntario, nan trabao desplega aña aden, aña afo, y kico mas agradable pa nan cu mira un Misa completamente yen diabierna otro siman.

For di aworaki DIARIO ta yama pabien na KWF, cu Dios cu hopi aña mas di existencia, yena nan cu bendicion pa e bunita trabao cu nan ta desplega, sigur impagable, den nos comunidad y sin duda mester gradici tur esnan den pueblo cu ta duna nan sosten, y cu ohala e sosten aki lo aumenta asina henter nos pais cuminza recupera su forza financiero back.

- Advertisement -

DUNA COMENTARIO

Please enter your comment!
Please enter your name here