Home Evenemento `Libertador’ Betico Croes ta worde honra na CILO, dia 25 di Januari

`Libertador’ Betico Croes ta worde honra na CILO, dia 25 di Januari

1
0
SHARE
- Advertisement -

Sirbiendo un menu netamente Arubiano

ORANJESTAD (AAN): E lugar conoci como Cilo City Lounge situa na Renaissance Marketplace ta den pleno celebracion pa dia 25 di Januari na honor di e fecha natal di Aruba su gran politico mihor conoci como “Libertador” Gilberto François “Betico” Croes. Como costumber e pueblo di Aruba ta celebra e dia di fiesta nacional aki den grandi; entre otro cu bailenan folklorico, Musica y cumindanan tipico Arubiano, hungando weganan y etc.

   Na CILO tambe tin un menu special, un menu tipico Arubiano cual ta consisti di: Soppi di Carni Arubiano, Wahoo Tataki, henter un Piska Cora “Red Snapper” den su sauce criollo acompanja cu Pan Bati, e famoso Keshi Yena di Galinja y Quesillo. CILO su menu ta consisti di varios opcionan sabroso y exkisito pa saborya, wak pa bo no perde e opportunidad sabroso aki.

  Pa completa e ambiente riba e dia special di 25 di Januari CILO ta bay ta completamente decora bou di e thema di “Dia di Betico” y lo tin un demostracion riba e flat screensnan di CILO potretnan di con Aruba tabata den pasado.

Riba e stage principal di Renaissance Marketplace net dilanti di Café de Plaza lo tin entretenimiento musical presenta pa Grupo di Betico, famia di nos “Libertador” y ta bon conoci pa nan dushi musica y bon ambiente cu nan sa deleita publico cu ne, pero prome mester menciona cu e anochi ta cuminsa 7or cu e famoso baile di cinta y varios shownan di baile folkorico presenta pa e grupo di baile “Folkor Santa Cruz’ bou giua di Lia Lopez.

Dia 25 di Januari CILO City Lounge na Renaisance Marketplace ta spera bo cu henter bo famia pa bin pasa un rato agradabel disfrutando y relahando di un ambiente unico.

- Advertisement -

DUNA COMENTARIO

Please enter your comment!
Please enter your name here