Home Politica Ministro Visser por haci algo urgente pa e cos aki

Ministro Visser por haci algo urgente pa e cos aki

0
0
SHARE
- Advertisement -

ORANJESTAD (AAN): Esaki ta e realidad amargo e dianan aki!  Centenares di mucha rond di Aruba no por haya ningun clase di training di futbol ni baseball!  Esey ta debi cu e condicion di terenonan deportivo ta completamente na werki.

   “Deporte ta paraliza!”  Esey ta loke un lider deportivo a splica na DIARIO.  Y nan ta haya cu ta parce cu Gobierno ta djis drumi, y Ministro Visser ta djis desapareci atrobe den espacio, sin worry cu e muchanan di Aruba.

   Si acaso Ministro Visser tin hubentud na pecho, e lo por sikiera check cu su colega Ministro Sevinger, pa laga DOW haci uso di su heavy equipment pa asina bay drecha e veldnan na Aruba cu ta den destruccion total.

   Veldnan cu ta asina hopi na werki, cu varios team ta djis “idle” e dianan aki y no por train.  Tur esaki causa pa e awaceronan torencial cu a bin ta cay riba e isla aki desde tres luna caba.

   DIARIO a haya sa, cu e.o. terenonan di SV Bubali, SV Jong Aruba Lifida, Brazil Jrs. Santa Fe, Nacional, y algun mas, ta na werki!  Sea cu e tereno ta full cu yerba, of algun caminda e awa ta spula y bay cu e santo.

   E trabao pa haci e veldnan limpi ta inmenso!  Ningun di e teamnan aki tin e manpower, ni e placa pa haci esey.  Pa tal motibo nan ta spera cu via DIARIO, e mensahe lo drenta loud-n-clear cerca Ministronan pa nan bay wak kico ta pasando.

   Deporte ta riba un stand-still!  Varios team cu tin teamnan grandi, ta buscando lugarnan alternativa pa bay train, incluyendo Stadion.  Pero e teamnan chikito no tin poder pa haci esey.

   Pa tal motibo, ohala cu DOW lo por pasa y haci un bon gesto cu su heavy-equipment pa tur cos drecha back manera e mester ta, y pa asina hubentud di Aruba, di tur edad, por cuminza practica nan deporte un biaha mas.

- Advertisement -

DUNA COMENTARIO

Please enter your comment!
Please enter your name here