Home Evenemento Mon Plaisier Basisschool Lo Tene Su Sponsorloop

Mon Plaisier Basisschool Lo Tene Su Sponsorloop

0
0
SHARE
- Advertisement -

Dia 29 di januari proximo: 

ORANJESTAD (AAN):— For di October 2010 e dirigentenan di Scolnan Basico y Preparatorio Mon Plaisir a cuminsa cu un proyecto pa mehora nan educacion fisico. E proyecto ta basa ariba e plan di Minister Visser cu ta hiba e lema: “Plan Nacional Aruba 2009-2018 pa combati sobrepeso, obesita y tur loke cu ta relaciona cu salud”.

E rapport aki ta describi ampliamente con e situacion ta na e momentonan aki. E resultado ta hopi tristo, pasobra a keda constata cu entre e muchanan un promedio di mas di 37 porciento di mucha tin sobrepeso y bou di e adultonan esaki ta un promedio di 77 porciento di cual 44 porciento ta obesitas (un sobrepeso cu ta causa problema pa salud). Ademas a keda constata cu un promedio di 20% di gastonan di AZV ta bay pa cubri gastonan relaciona cu e maleza “Diabetis”.

          E proyecto di Mon Plaisir tin como lema : Mon Plaisir “De Gezonde School” (Mon Plaisir, E scol saludable). Nan prome actividad pa recauda fondo pa cuminsa cu e proyecto aki ta e “Sponsor loop”. Esaki lo wordo teni dia 29 januari 2011 for di 9’or di mainta pa 12’or di merdia. Durante e actividad aki e alumnonan lo trata na core mas tanto buelta cu ta posibel durante 15 minuut. Ademas tin e posibilidad pa sponsor cada buelta of por haci un donacion tambe.

          E idea di e proyecto a bini di un cantidad di alumno y mayornan, kende nan a realiza cu ta hopi importante pa come saludable y move hopi pa asina mantene un bon salud.

E proyecto lo wordo haci conhuntamente cu e studiantenan di ALO Colegio Mon Plaisir, kende nan lo bay investiga con e school por informa su alumnonan encuanto di mal nutricion y con nan por integra esaki den di e programa escolar pa come saludable. Hunto cu e stagiaire nan lo institui un forma con pa mantene e muchanan mas activo durante e lesnan cu nan ta haya cada siman. Tambe lo

organiza actividadnan despues di e oranan di school entre 13.30 pa 14.30. Durante e tempo aki e muchanan lo wordo stimula pa ta mas activo den deporte y tambe con ta e manera saludable pa come. E condicionnan primordial pa por eherce e tres puntonan ya menciona ta cu mester un sala apropia y materialnan adecua.  Pesey Mon Plaisir mester tin e plan pa haci su gymzaal mas profesional door di instala reki nan, pone material nan pa bula y banki nan y mucho mas.

Mon Plaisir ta pidi tur instancia pa yuda nan cu e proyecto y tambe cu e sponsor loop di diasabra 29 di januari proximo. Mon Plaisir lo ta e “pilot-school”, pero den futuro e proyecto aki mester bira uno nacional. Pa mas informacion por tuma contacto libremente cu e cabesante suplente di e school Patrick van Brakel via telefoon 582-1748 of 744-2188.

- Advertisement -

DUNA COMENTARIO

Please enter your comment!
Please enter your name here