Home General No Obstante Splicacion Di Arugas Hopi Pregunta Ta Keda Riba Mesa

No Obstante Splicacion Di Arugas Hopi Pregunta Ta Keda Riba Mesa

0
0
SHARE
- Advertisement -

Segun Partido PDR:

ORANJETSAD (AAN): Partido Democracia Real a tuma nota di e press release di Arugas caminda ta duna un splicacion riba e prijs di botter di 20 liber. PDR ta gradici Arugas pa duna su banda di medaya.

Sin embargo dicho splicacion no ta duna respuesta na varios preguntanan lansa door di personanan den nos comunidad, cual a hiba cu fraccion di PDR a dicidi di manda preguntanan por escrito pa e Minister concerni.


    Pa di prome  e decreto di 17 di februari 2010 a base di Ordenansa di Prijs (“Prijzenverordening”) no ta menciona un dispencacion di calculacion pa botternan di 20 liber: dus si un botter di 100 liber su prijs ta stipula pa e decreto na Afl. 43,05 e prijs pa liber pa botter di 20 liber mester ta proporcional na e prijs pa 100 liber, esta un averahe di 43 cen pa liber y no Afl. 1,25 pa liber cu e ta awor aki.

Ora cu Arugas bende gas cu casnan cu tin e botternan grandi blanco e prijs ta un averahe di 49 cen, cual si ta proporcional na e prijs di 43 cen pa liber. Un comparacion: si prijs di gasolin worde stipula por ehempel Afl. 1,50 pa liter, ora bo cumpra 20 centiliter ta un fraccion di e Afl. 1,50 bo ta paga, no ta importa den ki tipo di tanki bo cumpre.

   E hecho cu na Curaçao y Boneiro e prijs di botternan di 20 liber ta rond di Afl. 14,- (cual ta mas proporcional na e prijs stipula pa 100 liber), ta indica cu aki na Aruba tambe mester por.

Es mas, na Curaçao aparentemente ta na pompstation nan ta yena botternan di gas di 20 liber, dus no ta importa ki uso e ta worde duna, si ta comercial of domestico.

   Los di loke a worde menciona ainda no ta claro di con pa un botter cu ta worde considera di 20 liber y cual en realidad ta contene solamente 16,6 liber, tog ta cobra prijs pa 20 liber.

   E argumento cu Arugas lo ta subsidia gas pa uso na hogarnan ta un ponencia cu no por worde verifica door di Parlamento, paso Arugas no ta cay bow di e ley Landsverordening Publicatieplicht Nutsbedrijven, cual ta obliga tur otro compania di utilidad pa presenta nan cuentanan anual na Parlamento pa medio di Gobernador.

PDR lo bay evalua si mester trece un cambio den e ley menciona pa Arugas tambe cay bow di e ley aki, pa asina Parlamento tin mas informacion pa por desplega su trabao di organo representantativo di pueblo.

   Remarcabel ta cu e mes un decreto di 17 di februari 2010 ta stipula cu al por mayor e prijs pa 100 liber ta Afl. 25, 40, compara cu al detal Afl. 43,05. Cu otro palabra: Arugas ta un compania dedica na gana placa, ta haciendo esey y en todo caso a prima vista ta parce di tin margen suficiente pa e haci esey riba botternan di gas pa uso domestico tambe.

Finalmente PDR kier sugeri un posibel solucion practico: si e argumento di Arugas pa cu e prijs di botter di 20 liber aparentemente ta cu no por exclui cu e ta worde usa pa fines comercial, anto e ora ta parce hopi fasil pa laga esnan cu bin cu un botter di gas chikito declara via un formulario ki uso e gas ta bay tin: esnan cu declara cu ta uso domestico ta paga tarifa mas barata relata na 43 cen pa liber.

Arugas ta keda cu e discrecion di evalua si un declaracion ta cuadra cu realidad. 
Hecho ta keda cu den e interpretacion di PDR e decreto actual di 17 di februari 2010 ta trece cune cu e consumidor cu cumpra gas pa uso domestico den botter di 20 liber tin derecho pa e prijs worde calcula relata na e prijs maximo pa 100 liber, dus na un tarifa mas barata cu e ta actualmente.

PDR ta keda habri pa reuni cu Arugas riba e tema y ta extende un invitacion pa esaki tuma lugar.

- Advertisement -

DUNA COMENTARIO

Please enter your comment!
Please enter your name here