Home Politica Pa Prome Biaha Den Historia Tin Un Presupuesto Cu Hospital

Pa Prome Biaha Den Historia Tin Un Presupuesto Cu Hospital

1
0
SHARE
- Advertisement -

Segun Minister Richard Visser,

ORANJESTAD(AAN): “Pa prome biaha den historia nos tin un presupuesto cu hospital cu nos a negocia cu nan y nos ta biniendo cla cu e diferente asunto regardando e docternan di cas y specialistanan”.

Esaki segun Minister di salubridad Richard Visser, kende a sigui bisa cu e ta bezig cu diferente cos cu lo yuda AZV stabiliza nan finanzas mas.

El a bisa cu bo ta wak un maneho basta stabil unda cu “nos sa kico nos tin”.

E mandatario a bisa cu na 2010 el a haya sa con hospital ta draai, kico ta e puntonan cu ta keda pega y ki otro problema nan lo por tin den por ehempel administracion etc.

Visser a bisa tambe cu Gobierno a logra baha e presupuesto cu inicialmente hospital a presenta, cu basta miyon florin.

“Nos a pone unda nos ta bay, esta ‘Diagnostic Related Groups’ (DRG’s) cu ta un sistema completamente nobo con pa paga pa e cuido”.

“Nos a organiza e cuido, e ‘boekhouding’ ta mihor y Raad van Advies di AZV a traha masha duro mes”.

“Nos a habri hopi hende su wowo y nos a traha fuertemente cu hospital pa yega na e cos aki”.

Esaki segun e Minister, kende a sigui bisa cu asina tin algo cu por construi riba dje.

- Advertisement -

DUNA COMENTARIO

Please enter your comment!
Please enter your name here