Home Cultura POPO

POPO

2
0
SHARE
- Advertisement -

Awe POPO ta dedica na informacionnan di carnaval cu a ricibi ya cu ayera POPO y hopi hende tabata ocupa durante dia cu locual tabata tin di haber cu entiero di e gran carnavalista Don Albertico Arends y no tabata tin movecion riba tereno di carnaval, dunando respet na e momentonan di tristeza.

PARADANAN

DI MUCHA

POPO ta cuminza informa tocante e paradanan di mucha tanto esun di SanNicolas como esun di Playa.

Tur dos parada ta habri como prome grupo, e Reina infantil di Aruba su carnaval.

Grupo 2 na San Nicolas ta bira Little Groovers Carnival Group y na Playa grupo 2 ta Baby champagne.

Grupo 3 lo ta Baby Champagne na San Nicolas y na playa lo ta Jolly Kids Carnival Group.

Grupo 4 na San Nicolas ta Don Glip Carnival Group y na POlaya esaki lo ta T.O.B. Kids.

Grupo 5 na San Nicolas lo ta Deja Kids y na Playa lo ta Don Flip Carnival Group .

Grupo 6 na San Nicolas ta Grupo nos futuro y na Playa Centro di Bario Noord su gruponan.

Grupo 7 na San Nicolas ta TOB Kids y na Playa lo ta Grupo nos Futuro.

Grupo 8 na San Nicolas ta Centro di Bario Noord y na Playa ta Deja Kids y grupo 9 na San Nicolas ta Jolly Kids y na Playa lo ta little Groovers.

 

PARADANAN

 

GRANDI

 

Pa paradanan grandi tambe a tira lot pa e gruponan y e prome tres lugarnan y nan secuencia ta segun e respectivo reinanan cu keda eligi. Esaki ta den cuadro cu segun acuerdo firma di participacion ta e reina pa habri parada ta e Reina di Carnaval 57 di Aruba. E ta habri tanto na San Nicolas como na Playa.

Grupo 2 ta di Reina infantil di Aruba su carnaval 57 tanto na San Nicolas como na Playa, y grupo 3 ta Señora Carnaval di carnaval 57. E ta na di 3 lugar como grupo tanto na San Nicolas como na Playa tambe.

Si e grupo kier keda cu su respectivo number esaki ta posibel pero e reina mester bay na su number asigna  den parada.

Grupo 4 na San Nicolas lo ta OPC Carnival Group y na Playa lo ta Royal Carnival Group.

Grupo 5 na San Nicolas lo ta Los laga Bai y na Playa lo ta Creator of love.

Grupo 6 na San Nicolas ta  Grupo Champagne y na playa 6 lo ta TOB Carnival Group. Grupo 7 na San Nicolas Dushi Carnival Group y na Playa ta Grupo Champagne y grupo 8 na San Nicolas ta Los Astros Internacional cual grupo ta 8 tambe na Playa.

Na San Nicolas grupo 9 ta TOB Carnival Group y na Playa lo ta OPC Carnival Group.

Grupo number 10 na San Nicolas ta Royal Carnival Group y na Playa lo ta Pleasers and Teasers.

Grupo 11 ta XC Lanz Carnival Group y 11 na Playa Los Laga Bai.

Grupo 12 na San Nicolas ta Tiki Loco y na Playa Majestic Carnival Group.

Grupo 13 na San Nicolas ta Creator of love y na Playa ta Dushi Carnival Group.

Grupo 14 na San Nicolas ta Majestic Carnival Group y na Playa Lanz Carnival Group.

Grupo 15 na San Nicolas ta Diamonds Carnival Group y nan t keda 15 na Playa.

Grupo 16 na San Nicolas ta Pleasers and Teasers y na Playa ta Tiki loco y grupo 17 na San Nicolas y na Playa ta Item Rethem Stars .

 

 

DEJA KIDS

Manera POPO a informa anteriormente Deja kids den paradanan di mucha ta bin cu e tema “Deja kids goes Mardi Gras” .DeJa-Kids, e grupo cu ta conoci como esun cu ta jump cu disfraz nan simpel y comodo, pero cu semper a hasi un impacto durante Carnaval di Mucha, na unda e muchanan  ta bay baila, bula y goza den nos Carnaval 57. DeJa-Kids lo participa tanto na e parada di San Nicolaas como esun na Playa y e biaha aki tambe pa prome biaha lo participa na e Parada di Blaas. Manera semper cu ayudo di patronisador, ta pidi un contribucion di Af. 90,= pa e mucha por participa na e parada di San Nicolaas y na Playa . Si inscribi dos mucha of mas na mesun momento e lo costa Af.80,= pa cada uno. Esaki ta inclui e disfraz completo, tur snacks, refreshment y musica di banda. Na momento di inscribi na e parada di San Nicolaas y na Playa nos ta pidi Af. 25,=, cual lo worde desconta di e suma total. Diasabra awor na Centro di Bario Lago Heights for di 2or pa 5’or p.m. lo  bay tin un dia pa e mayornan cu ta interesa pasa wak e costuum nan y naturalmente por inscribi di biaha. Tambe lo por inscribi pa Parada di Blaas na San Nicolaas pa solamente Af. 15.00.  Tambe por inscribi bo yiu na e sigiuente sitionan: San Nicolaas : Trompstraat 4  (un cas ros schuin dilanti Wema San Nicolaas) 584-7206  /   7444692   /  5639209   Oranjestad :   Marawiel 1 A  585-0545   /   582-6837 despues di 3 pm   /   5938078  Tambe por tuma contacto cu DJ-team via email na : djkids @live. com

SCOL DI ARTE

Por lesa awe cu Scol di Arte tambe ta den ambiente di carnaval. Scol di Arte ta sigui cu e Biahe Creativo di carnaval y esaki lo tuma lugar diasabra 5 di februari, di 12or di merdia pa 3or di atardi y lo tuma luga na Scol di Arte, Pastoor Hendrikstraat 103, San Nicolas. E ta un actividad pa muchanan y hobennan di 6 pa 17 aña di San Nicolas y becindario y tambe tur otro mucha y hoben di Aruba. Meta principal di e Biahe Creativo ta pa stimula creatividad bou di mucha y hobennan, pa yuda e mucha/hoben descubri talento y pa sigui stimula y desaroya e talentonan aki. Den e biaha aki lo pone un enfoque special ariba e parti di creatividad den carnaval. Awe tin mas publicacion tocante esaki.

KYRAATJE

E aña aki atrobe Queen Sporty Girl ( Kyra Hoevertsz) lo competi den e calypso/roadmarch infantil/juvenil contest pa tercer biaha. E aña aki titulo di su roadmarch ta “Sleep dancing” y compositor y areglo ta den man di Stefan Bartels-Daal, e mesun persona cu a traha e cantica “Animal Festival” pa Kyra aña pasa na unda Kyra a sali Mas Popular y prome finalista.

Inspiracion pa e canticanan pa Kyra semper ta sali di Kyra su mesun deseo y gustonan. Kyra stima animal y tambe Kyra sa “sleepwalk”, esta slaap wandel. Na Papiamento: cana den su soño. Pesey su cantica ta inspira pa su mesun experiencia y gusto. Alavez, Kyra gusta balia y duna show y esey lo resalta den su roadmarch. Kyra ta invita mucha y juventud pa comparti cune con pa balia den bo sonjo!
>
> Kyra tin 12 anja di edad y e ta bai Colegio Arubano. Su hobby ta landa, por cierto, Kyra ta bon conoci den e mundo di synchro swimming na unda ela representa Aruba na hopi occasion den exterior y sa di trece premionan grandi bek Aruba. Kyra su otro hobby ta canto, baile y musica y por cierto e ta canta cu Katatumbito den temporada di Pasco. Su aspiracion ta pa bira un artista grandi y pa sigi cu su synchro swimming tambe. Kyra tin un caracter alegre, e ta hopi motiva y disciplina y e ta traha cu metanan grandi pa logra su soño.
POPO ta spera cu Kyra haya hopi apoyador ya cu nan lo siña con pa “ssssssssssleeep” dance!!

NOORD

Diamars cu un ambiente sumamente carnavalesco, e candidatanan pa reina infantil di Noord a trek lot y e tema nobo pa e eleccion di Reina Infantil di Noord a bira conoci. E ta “Fantasia di Fruta”.
E candidatanan a haya un number y a kies un fruta pa hasi fantasia pa nan shimis.
E nomber y number di e candidatanan ta:
1) Aliyah Jones. 2) Jamil-Ann Vieira. 3) Ismarys Arends.
4) Amanda Wijshijer. 5) Selina Everon. 6) Kimberly Tromp.
7) Lieshandra Farro. 8) Roshendra Figaroa.

Keda pendiente tambe pa e actividadnan di Centro di Bario Noord cu ta e Volleyball disfraza y e Wega di Domino di Carnaval.

HAPPY HOUR

E prome Happy Hour cu tabata e Kick off SacCarnival Happy Hour a resulta un hit total. Diabierna awor e di dos Happy hour lo ta na Cafe Capri cu musica di DJ 101 den carnaval style y e concurso di beer drinking lo no keda afo patrocina pa Balashi. Diabierna dia 28 e Happy Hour a keda transforma den e SOCAlicious Night na Balashi Beer Garden cu lo bira un evento spectacular pa esnan cu presencia esaki. Ya caba ta papia di SAC-Olicious Night cu tin tur indicacion caba di lo resulta den un exito grandi di calypso y soca un biaha mas.

- Advertisement -

DUNA COMENTARIO

Please enter your comment!
Please enter your name here