Home Cultura POPO

POPO

2
0
SHARE
- Advertisement -

TIN 25 LUGAR

 MAS HABRI

Baby Champagne ta informa cu e tin 25 lugar mas habri pa mucha muher pa parada di mucha ya cu ta 25 hala mas so tin.

Pa mucha homber si e inscripcion ta keda habri.

Prijs pa mucha ta 175 cu ta inclui tur cos.

E banda di Baby Champagne ta Youth Xtreme.

Tambe a habri inscripcion pa ballonen optocht cual prijs ta 35 florin.  

 

 

CHAMPAGNE

 

TA SOLD OUT

 

Pa paradanan grandi, si bo no kier keda afor pa Lighting San Nicolas bai registra awe mes

Grupo Champagne ta informa un y tur cu nan ta SOLD OUT pa e grupo di adulto. Champagne a sera su masa di 350 participante y pa esaki nan ta gradici Lisette Tromp y su team cu a hasi su maximo esfuerzo pa toch traha 150 headpiece extra.

Tambe Champagne ta gradici nan sponsersnan pa nan confiansa y sosten y  ta recorda tur hende pa pasa busca nan headpiece entrante 1 februari serca Lisette y no lubida di pasa reken af ne Bee Ware y busca boso banchi.

 

CLA PA

 

SAN NICOLAS

 

Grupo Champagne ta informa tambe na tur amante di Champagne cu inscripcion pa Lighting San Nicolas a habri y ya caba mas di 200 hende a bin registra, pues si bo no kier keda afo pasa e siman aki pa inscribi pa Lighting San Nicolas. Champagne lo luci un nice vest y sombre di Merca y lo presenta e tema “USA – Tribute to the heroes of September 11th 2001” ya cu ta net 9 aña pasa cu Champagne a presenta USA y cu ta net 10 aña pasa cu nos ta recorda e caida di WTC. Prijs pa parada di lus San Nicolas ta Awg. 95,= cu ta inclui tur cos. Wak e potrt di e costuum den POPO awe. Champagne su banda ta Tsunami cu a hasi un cos den Fakkeloptocht.

 

 

 

POPO awe ta pone Aruba sera conoci cu e 8 candidatanan pa e eleccion di Reina Infantil di Noord. E siman aki  e candidatanan a trek lot y e tema nobo pa e eleccion di Reina Infantil di Noord a bira conosi. E ta “Fantasia di Fruta”. E candidatanan a haya un number y a kies un fruta pa hasi fantasia pa nan shimis. Riba e foto di e grupo di candidaanan por mira di man robes pa drechi, e nomber y number di e candidatanan ta:
1) Aliyah Jones. 2) Jamil-Ann Vieira. 3) Ismarys Arends.  4) Amanda Wijshijer. 5) Selina Everon. 6) Kimberly Tromp.  7) Lieshandra Farro. 8) Roshendra Figaroa. E eleccion di Reina Infantil di Noord ta diabierna 4 februari 2011 den Centro di Bario Noord cuminsando for di 7 or di anochi. Pueblo carnavalesco especialmente di Noord, ta cordialmente invita pa bin presencia e eleccion di Reina Infantil di Noord y pa bin mira con e mayornan di e candidatanan a usa nan imaginacion pa traha e shimisnan cu fantasia di fruta.

KAISO DI

MUCHANAN

Awe tambe POPO ta publica e lista di participantenan den concurso di 1. Joshua Alexander Bryson, “King Size” cu Roadmarch; “The Egyptian Train”.

2. Jair Vespray, “Mighty Buddy” cu calypso “Love Your Self” y su roadmarch ta “Stissman Jam”  

3. Jake Fernandez – Orfao  “Mighty Jake” cu calypso y roadmarch.

4. ta Chantal Quant “Queen Shanty” cu calypso: “It’s time to take action” y su Roadmarch ta “No mishi cu mi”.

Den seccion infantil di Calypso y roadmarch 2011 e prome cantante lo ta  Kyra Hoevertsz, “ Queen Sporty Girl” cu su roadmarch “Sleep Dancing”.

2. No ta participante Mas

3. Robert JR. Maduro “ King Mistery” cu un roadmarch

4.Tashanira Rasmijn,  “Queen Tasha” cu un roadmarch: “Jerking It “.

5. Kiziah E Trimon, “ Kiziah” cu roadmarch: “Pump E carnival”.

6. Shykia Maduro, “ Queen Shik” cu roadmarch: “Queen Shik’s Express”.

7. Izellah Ruiz, “Queen Izi” cu roadmarch: “E wega Den Carnaval”

8. Ashantee Xarlette Martus, “Princess Aphrica” cu roadmatrch: “Waist”

9. Gizane Rixianne Boekhoudt. “Queen Rixi” cu roadmarch: “Let it fly”

10. Giomir Leocadia, “Dynamite Kid jr.” cu  calypso: “Stop E Violencia” y su roadmarch tin como titulo  “Aruba’s on fire”

11. Ittalee Brown, “Jamming Princess”, cu roadmarch: “Fire on de Road”

LOGO SAC

 

Tambe POPO a ricibi e peticion di SAC pa notifica pueblo di Aruba cu ta interesa pa haci uso di e logo di Carnaval 57 cu mester haci un peticion por escrito na oficina di SAC. E motibo pa esaki ta cu e logo ta propiedad di SAC. SAC so por duna permiso pa haci uso di e logo di Carnaval 57.  

LAGA NOS BAI

CORSOU

Den e conferencia di prensa di AMAK teni na Aruba diaranzon, a bin dilanti tambe un lista di hotelnan unda nos hendenan por hospeda pa asisti na Festival di tumba di Carnaval di Corsou 2011. E prijsnan ta varia di “single” cu ta mas caro te na camber pa 4 persona cu ta di mas barata. E prijsnan ta inclui pasashi cu e compania cu ta patrocina e festival, 2 anochi na hotel, festival di tumba cu carchi general of VIP.E hotelnan Otrabanda, Hilton y Kontiki ta duna acerca desayuno cu e tarifa cu ta menciona.

Pa Renaissance cu entrada general camber single ta 1061 y di 4 persona 485. Entre e tarifanan aki tin tarifa mas abao pa camber di tres persona y camber double.  Na e mes hotel cu entrada VIP e prijs ta varia di 1301 pa 725 mas abao.

Howard Johnson cu prijs ta cu entrada general single pa 651 y 4 persona den camber 399 . Cu VIP na e hotel aki e prijs ta varia di 891 pa 639.

Na Hotel Otrabanda cu entrada general pa e festival e prijs single ta 719 y di cuatro persona ta 449. Cu entrada di VIP e prijs ta di 959 y mas abao ta 680. Camber pa 3 y pa 2 persona ta varia entre e prijsnan menciona.

Pa Kontiki  cu entrada general single ta 783 y pa 3 persona 567. Cu VIP e ta bira 1023 y 807. pero mester menciona cu Kontiki tin solamente camber single, double y triple.

Pa Hilton, single cu entrada general ta 1001 y pa 4 persona ta 525 y cu VIOP single ta 1241 y cuatro persona 765.

Si mester di informacion di tur esaki Maduro Travel por duna mas informacion na esnan cu ta biaha pa Corsow pa mira e festival di tumba aya.

 

GANADORNAN

 

Despues cu a bira conoci cu e reina di tumba 2010 Elia Isenia no ta participa den Festival di tumba e aña aki, a ser puntra na POPO  ta cuanto biaha el a gana na Corsou. Danki na e informacionnan di AMAK den nan buki di festival, POPO a bin haya sa cu el a gana 3biaha. Farley Lourens tambe a gana 3 biaha y su titulonan el a logra consecutivamente na 2003, 2004 y 2005. Harry Zimerman tambe a gana 3 biaha, mescos cu Mr. Saab. E cantante cu a gana mas tanto concurso di tumba na Corsou ta Boy Dap cu 10 corona en total y e tabata e prome rey na 1971. Boy dap nunca a gana 3 biaha sigui, pero si a ripiti den 1973 y 1974. E banda cu a acompaña mas tanto ganador ta Doble R.S.S.S. cu un total di 7 sigui pa Estrellas del Caribe cu 4 y Chispa Band cu 3. Chispa a gana un aña tambe pero combina como Pleasure/Chispa. Gibi a gana 4 biaha cu dos diferente agrupacion cu ta 2 como Gibi Explosivos pa Boy Dap y Gibi Doran y dos como Gibi y orkesta. Gibi como compositor a gana tambe cu Izaline Calister na 2001 cu Gio Fuertisimo, grupo cu a gana tambe cu Elia Isenia na 2001 y 2010.

- Advertisement -

DUNA COMENTARIO

Please enter your comment!
Please enter your name here