Home Cultura POPO

POPO

2
0
SHARE
- Advertisement -

POR FIN

POR FIN

 Por fin POPO a mira un concurso di Calypso y Roadmarch infantil y Hubenil cu PPO a goza di comienzo te fin. Un concurso caminda cada un di e participantenan a CANTA mustra nan talento cu mehoracion di un aña pa otro, y debutantenan cu no a baha cabez tampoco pa esnan cu e experiencia di escenario caba.

Un concurso caminda e musica di e banda cu a acompaña e participantenan tabata tin bo den e ambiente cu calidad musical y en bibo.

Un concurso caminda POPO ta kita sombre pa e comision organizador cu a presenta un programa cu a cana bon zeta, un tras di otro .

 

GANADOR

 

POPO a expresa na concirnan cu aki no ta mediocridad ta manda mas. A cuminza siña pa hisa nivel y trece calidad, cuminsando cu e chikitonan y esaki ta locual POPO a ripara diasabra anochi.

Esaki sigur ta un anochi cu pa POPO no tabata tin ningun perdedor pasobra cada un cu premiacion o sin premiacion tabata un ganador.

 

SORPRESA

 

POPO a keda sorprendi cu a actuacion di “Queen Sporty Girl” ,Kyra Hoeverts cu a mustra POPO cu despues di a pasa den aprensisahe e ta cla pa gana y diasabra a sali masha pisa cu su “Sleep Dancing”. POPO a cuminza hunga caba cu premiacion pa e cantante aki, pero sperando e siguiente cantantenan, y cu bista riba Kiziah Trimon cu POPO a ripara cu den un aña di tempo a crece mas ainda. Kiziah aña tras aña a mehora y POPO tabata tin e como esun pa gana e aña aki, principalmente mirando su prestacionnan durante temporada di Pasco cantando gaita.

E otro sorpresa tabata Queen Tasha, Tashanira Rasmijn cu a debuta manera un veterana di escenario. Tasha ta e ehemplo di participante cu ta debuta y cla pa canta, no cla pa hunga cu frase y letranan.

Dynamite kid Jr. no a sorprende POPO, pasobra POPO tabata sa cu e ta fuerte. Pero e sorpresa pa POPO tabata e calypso  y su letranan cu Valentino y Janiro a hinca den otro y e boncu Giomir Leocadia a interpreta esaki. Ta e corona so e no tabata tin bisti e momento ey ainda.

E otro sorpresa tabata e actuacion di e Rookie di Hubenil King Size, Joshua Alexander Bryson. Watch out.. e ta bolbe pa impone su nomber.

 

CHANTY

 

Tambe POPO tabata tin e impresion cu esaki lo ta aña di Queen Shanty y sigur ta cu den tanto su calypso como su roadmarch por a nota e toque “Tattoo” cu a compone e cancionnan pa su yiu. POPO a mira Queen Shanty crece y crece y e anochi aki a bira realmente su anochi.

Buddy si e desapunta POPO. POPO a spera mucho mas di Buddy pasobra e ta un “Little Super Star” creciendo, pero e anochi aki e tratamento di “saca voz” pa impresiona a perhudica su calypso y su roadmarch. POPO semper a bisa cu si Buddy, Jean Chris Jair Versprey usa su voz normal lo scucha otro cantante.

Den Sparkling Tour por a nota esaki pasobra e tin un bunita voz . Pero……. tene bista riba e joncuman aki pasobra den e grandinan e ta bin conta. Dune tempo pa aclamatiza entre The Big ones.

 

PLACA

 

EXTRA

 

ROB Carnival y e agencia di auto cu ta patrocina e gruop ta ofrece awe 100 florin na participantenan cu bin inscribi for di 9 or te cu 10.30 or anochi na Topcar. E prijs pa 3 parada ta sali 650 florin cu tur cos inclui, pero ta pa awenochi so. Awe nochi lo tin ambiente special tambe y por admira e modelonan di e diferente paradanan di TOB y TOB Kids. TOB su tema e aña aki ta “I love Calypso” treciendo e historia di calypso di un forma unico y spectacular,. Tin algun lugar habri ainda den seccionnan y por pasa na Drop ‘n Nuts of yama 583-8213 a mas informacion. Awe nochi por inscribi tambe pa  parada di blaas y parada di lus cu TOB y lo corona ademas Baby TOB 2011.

 

TRENDY

 

INDIANS

 

Si.. esaki ta e tema di Don Flip Carnival Group pa e aña aki.  E indiannan di Don flip ya a cuminza fiesta y lo haci esaki na grandi den parada di blaas na San nicolas pa 25 florin cu ta inclui t-shirt, headband y bebida pa refresca curpa durante parada. Tambe nan lo ta den Parada di mucha na San Nicolas y na Playa y tin bus disponibel y pa inscribi pa e parada di mucha mester corda cu pa e paradanan grandi aki ta 175 florin ta paga . papia cu mami por join e indiannan pa guia nan durante parada di blaas. Pa esaki mester di e T-shirt y headband cu por haya pa 50 florin cu tambe ta cubri cos di pasa boca y refresco. Por yama 585-8026 entre 7 or y 9 or anochi of 592-8991 durante dia of pasa na Kas Ariba 25 Santa Cruz di 7 or pa 9 or anochi tur dia. Wak e costuum di indian awe .

 

TROPI KIDS

 

Tropical bottling company a haci entrega di sombre nan tropical na Kevin James pa e muchanan di parada di blaas di grupo nos Futuro. E sombre nan ta den color di refresco Tropical, esta oranje, cora, biña y geel. Pa join Nos Futuro pa parada di Blaas ta paga solamente 15 florin pa mucha y 25 florin pa adulto y ta inclui cos di bebe y snack y naturalmente banda NBO. Persona di contacto ta Sra Martina na 593=9288 unda lo haya informacion y por inscribi. E sobrenan tambe por admira awe.

- Advertisement -

DUNA COMENTARIO

Please enter your comment!
Please enter your name here