Home General Prome Minister Mike Eman a inaugura careda na un forma unico

Prome Minister Mike Eman a inaugura careda na un forma unico

1
0
SHARE
- Advertisement -

mikepoalo1Palo Marga a conoce un coredo nobo…
ORANJESTAD (AAN): Diabierna nochi riba pista di careda Palo Marga, a tuma lugar continuacion di e caredanan internacional yama “Extreme Import International”. Durante e caredanan aki Merca y Puerto Rico a bin midi forsa cu e coredornan di drag di Aruba den e categoria di Import Class. Prome Minister Mike Eman a ricibi un invitacion pa haci e inauguracion y pesey mes cu tanto riba diahuebs como diabierna nos Prome Minister a haya algun curso con maneha un auto di careda.

E autonan cu Prome minister a core aden riba pista como parti di su entrenamento tabata e roadster di Speed Arrow Racing Team di sr. Marcelino “Lino” Angela, cu ta un Chevrolet modelo 1938 y su miho tempo ta di 8.14 seconde riba ¼ miya, como tambe den e auto Christine, un Plymouth modelo 1957, di e legendario coredor di careda sr. Rustico “Tico” Werleman. Manera tur amante di drag sa, cu e tipo di autonan aki ta conta cu un motor “bigblock” cu ta genera hopi “horsepower”.

Pa mas o menos 12or di anochi, sr Geerman kende ta e presentador di e caredanan a anuncia na e miles di personanan presente cu tin un sopresa y di biaha a bisa cu Prome Minister Mike Eman lo bay maneha e roadster di Speed Arrow.

Aki ta caminda cu tur presente cu tabata sinta a lanta para y hasta por a scuchanan grita y aplaudi di emocion. Prome Minister Eman a dal su “burnout” den e waterbox pa despues sali cu un speed halto bay abou riba e pista y ta marca un tempo di 10.07 seconde.

Asina tambe Prome Minister a haci e parti inaugural di e caredanan riba pista internacional di Palo Marga ricibiendo hopi aplauso di e publico cu a biba e momento cu e Prome Mandatario di nos pais a bay abou y despues tambe na momento cu el a regresa riba e returnway dilanti di e tribunanan.

Pues Palo Marga a cera conoci cu un coredo di careda nobo cu despues di su debut diabierna anochi ultimo, a ricibi un reto personal for di Rustico Werleman. Tur hende mester keda pendiente pa wak ki dia e challenge aki lo bay tuma lugar pa nos mira un Palo Marga completamente yen atrobe.

- Advertisement -

DUNA COMENTARIO

Please enter your comment!
Please enter your name here