Home Policial Relaciona cu ponemento di arma di candela na sinti

Relaciona cu ponemento di arma di candela na sinti

3
0
SHARE
- Advertisement -

PolicialDenunciante a grita polis “Esey te homber”
ORANJESTAD (AAN): Un homber a yama central di polis den oranan di marduga riba diahuebs y a keda registra pa tres’or y 30 minuut. Segun e homber su version na e centralista cu el a worde menaza pa un homber cu a pone arma di candela na su cabez. E sucedido a tuma lugar na un bar restaurant situa na Tanki Leendert. Tambe e homber a bisa e centralista di a spanta y a laga su auto atras pero e kier pa polis compañe pa busca su auto.
Patruya Noord a worde instrui pa bay na e lugar y polis a topa e homber di inicialnan M.B.D. di 42 aña di edad naci na Dominica. Polis na prome lugar a constata cu M.B.D. tabata bao di influencia y el a bisa cu su persona a yama pidi nan presencia pa hende cu a menace cu arma.

Segun M.B.D. e sospechoso a pone arma di candela na su sinti banda drechi. Ora cu polis a puntra e homber descripcion di e sospechoso, M.B.D. a laga sa cu e no tin. Na dado momento segun e recorte di polis e homber M.B.D. a cana bay direccion di e bar restaurant y a drenta den e establecimento.

Un rato despues M.B.D. a bandona e bar restaurant y un homber ta cana su tras. Direpiente M.B.D. a cuminsa grita indicando polis “Esey ta e Homber”.

Polis a nota cu e homber sospechoso tin den su man un boter cervez. Polis a gara e homber sospechoso y nan a tene contra di muraya y el a boter cervez cay.

Na momento cu polis a pone e homber sospechoso contra di muraya parce cu M.B.D. a haya briyo bira agresivo y e kier a agredi e sospechoso di inicialnan W.A.B.M. di 28 aña di edad naci na Republica Dominicana. Polis a reacciona y a tene M.B.D. pa evita e agredi e W.A.B.M.

E version na polis di W.A.B.M. ta lo siguiente, e no ta cana cu arma di candela. Polis a controle y no a haya ningun clase di arma den poder di e sospechoso.

Pa continua cu e investigacion polis a dicidi detene e dos hombernan y a transporta nan pa warda di Noord.

Una vez na warda e homber W.A.B.A.M. ta splica kico a sosode, e ta bisa e tabata den e bara restaurant den compania di poco dama colega y M.B.D.a bin molestia y daña ambiente. Ora cu a bisa M.B.D. laga e damanan cu trankilidad y no molestia nan, M.B.D. kier bringa.

Na dado momento pafor segun W.A.B.M. el a pone boca di un boter cervez na cabez di M.B.D. e ultimo a spanta drenta panico. Na warda durante cu polis ta atende e caso ta drenta e dos damanan. Separadamente polis a tende nan pa scucha nan version nan a confirma cu M.B.D. a haci fastioso y no tabata tin nada di e cuenta di arma di candela.

Ora a confronta M.B.D. riba e asunto cu no tabata tin uso di un arma di candela y tambe cu tin testigonan cu a desmenti di local el a trece dilanti polis a dicidi di laga WMBM den libertad. Aparentemente M.B.D. a yama un señora bin warda, polis a pidi pa ID.

MBD a bira razo ranca ID. y tambe a pusha e señora for di warda di polis. Pa colmo M.B.D. a haci e eror pa ofende polisnan den boca di leon y nan a detene y encarcel’e.

- Advertisement -

DUNA COMENTARIO

Please enter your comment!
Please enter your name here