Home General Reunionnan Tripartite Di Cambionan Laboral Riba Un Bon Caminda

Reunionnan Tripartite Di Cambionan Laboral Riba Un Bon Caminda

0
0
SHARE
- Advertisement -

Tur cos ta mustra cu lo por yega na un consensus entre e tres partidonan

ORANJESTAD(AAN): Diamars atardi e grupo di tripartite riba cambionan laboral a reuni un biaha mas cu Minister Otmar Oduber pa asina sigui elabora riba e cambionan proponi.

Despues di e reunion, Minister Oduber a indica cu e reunion aki ta un continuacion di e encuentronan cu a inicia for di 2010 caba caminda dunadornan di trabao, representante di trahadornan y Gobierno ta discuti riba 5 diferente ley laboral riba cual a haci diferente cambionan.

Un punto cu a worde trata y riba cual e mandatario di Labor a pone hopi enfasis ta esun riba e seguridad di empleo di nos trahadornan, aki ta papia di e fenomeno ‘on call’, sesantia y e uitzendbureaunan cu kier regulanan.

Tambe den e mesun cuadro aki ta tratando riba e overname na momento cu un compania ta bati bancarota. Ora un persona of compania tuma over e compania en cuestion e lo tin un responsabilidad pa cu empleadonan.

Minister Otmar Oduber a duna di conoce tambe cu e reunionnan aki ta bayendo den un ambiente sumamente positivo, cu por bira for di tanto dunadornan di trabao como representatenan di trahadornan cu tin un necesidad pa moderniza e leynan cu tin na e momentonan aki.

Continuando el a bisa cu ta bin padilanti cambionan di proteccion cu Gobierno kier duna tanto na e trahadornan como na e empresanan pa motibo cu ta sinti cu mester tin un seguridad y trankilidad den e mundo laboral na Aruba.

Ta tumando e tempo necario pa atende cu e cambionan, mirando cu ta trata di varios cambio grandi, ademas ta purbando mas tanto posibel pa por yega na consensus entre e tres partidonan, y Minister Oduber ta indica cu ta bayendo den e direccion ey. E input di e participantenan, ta uno tremendo, na un nivel hopi halto ta discutiendo e diferente cambionan, e ta bayendo den un forma ameno a pesar cu e discusion ta unda ta trek e liña pa loke ta derecho di e trahadornan y di otro banda unda ta trek e liña pa derecho di e dunadornan di trabao.

Den e reunion di diamars a atende cu 6 punto cu a keda pendiente di e reunion pasa y pa 4 di nan a logra haya consensus. Es decir, tin dos mas pendiente y despues lo trata e otro cambionan di ley. Ta purbando pa den e di dos kwartal di e aña aki e leynan bay Parlamento pa nan worde trata.

- Advertisement -

DUNA COMENTARIO

Please enter your comment!
Please enter your name here