Home General Servicio Di Impuesto Ta Habri Tur Diasabra

Servicio Di Impuesto Ta Habri Tur Diasabra

0
0
SHARE
- Advertisement -

Probecha di e servicio extra aki!

ORANJESTAD (AAN): Servicio di Impuesto ta recorda su clientenan cu su oficina principal na Camacuri ta habri tur diasabra. E servicio extra aki ta valido te cu dia 19 di februari 2011 y ta conta tanto pa e seccion Servicio di caha como Servicio di otorgamento di plach’i number. Esaki ta un bon chens pa tur cliente cu no ta alcansa acudi durante siman, toch cumpli na tempo cu pago di por ehempel number di auto of loonbelasting.

   Aki ta sigui un skema di e orario di servicio valido riba diasabra.

   Servicio di Caha na Camacuri lo ta di 8:00 a.m. te cu 2:00 p.m. nonstop.

   Servicio di duna plachi di number, ta na Camacuri tambe, e mesun ora.

   Durante e orarionan menciona tur cliente por haci pago di cualkier tipo di belasting por ehempel: number di auto, BBO, loonbelasting. Alavez tin oportunidad pa busca plach’i number mesora despues di haci pago.

   Servicio di Impuesto ta haci un apelacion na tur cliente pa probecha di e orario di servicio extra y evita para largo den rij despues.

- Advertisement -

DUNA COMENTARIO

Please enter your comment!
Please enter your name here