Home General Ta ora pa O.M aclarea ki ora y con e ta haci...

Ta ora pa O.M aclarea ki ora y con e ta haci uso di autoridad cu ley ta dune!

0
0
SHARE
- Advertisement -

Parlamentario y lider di PDR ta cuestiona:

ORANJESTAD (AAN) – Den conferencia semanal di prensa di fraccion PDR, su lider Parlamentario mr. Andin Bikker, a referi na e caso di e fotografo di DIARIO, señora Maria Berry, ken manera ta conoci, a worde agredi cu forza bruto, durante cu e tabata haci su trabao.

Bikker ta cuestiona Ministerio Publico pasobra masha lihe nan a bay over pa manda e caso den e asina yama “tomzitting” unda cu e agresor a haya 250 Florin di multa so, sin cu e mester a bay presenta dilanti Huez.

Parlamentario Bikker a bisa cu e ta cuestiona esaki, pasobra den caso di infraccion di trafico mes tin personanan cu mester bay busca un abogado, bay na setting pa defende nan mes, y e ta haya masha straño mes cu un persona cu ta agredi un periodista severamente, su caso sin cu el a worde interoga ni deteni, ta caba masha lihe cu un boet di apenas 250 Florin!

Lider di PDR a bisa cu e ta pone e caso aki den contexto di locual a pasa den fin di siman, unda cu dos agente policial a worde deteni a base di cargonan similar.

Parlamentario mr. Bikker mescos cu pueblo, ta puntra su mes ta ki maneho Ministerio Publico tin? Pasobra den casonan similar di agresion, un ta bay den “tomzitting” y ta haya un multa di 250 Florin, pero e otro caso diripiente e miembro di KPA ta worde deteni, y esaki ta pone pueblo hopi confuso riba kico ta e maneho specifico di Ministerio Publico.

Parlamentario mr. Bikker a subraya cu e lo keda reitera esaki, pasobra p. e na Hulanda tin notanan di maneho netamente delinea ki ora y con O.M ta haci uso di e podernan cu e tin, pero aki na Aruba den un caso nan ta actua na un manera y den otro caso nan ta actua otro manera, aunke e cargonan ta similar.

E Parlamentario y lider di fraccion ta kere cu a bira tempo pa Ministerio Publico bin cu un nota di maneho pa aclarea ki ora y con e ta bay haci uso di su autoridadnan cu ley ta dune.

- Advertisement -

DUNA COMENTARIO

Please enter your comment!
Please enter your name here