Home Evenemento The Casino na Radisson ta invita bo pa participa den “Super Saturday”

The Casino na Radisson ta invita bo pa participa den “Super Saturday”

1
0
SHARE
- Advertisement -

ORANJESTAD (AAN): The Casino na Radisson ta organizando un evento di “Super Saturday” e fin di siman aki ora e lo revela su atraccion special, esta un Suzuki SX4 completamente nobo.

Tur bishitante na e Casino na Radisson riba diasabra anochi lo ricibi un carchi di rifa, dunando nan e oportunidad tambe pa gana! Ruben Garcia, Melvin Garcia y e ekipo di Riba Bou, acompaña pa Miss Aruba y Miss Carnival, lo yuda e Casino na Radisson revela e auto. Asina ta, no perde e ambiente, cuminsando pa 7 pm cu cocktails, pasapalonan y entretenimento en bibo. 

E Suzuki SX4 ta worde ofreci door di e Casino na Radisson pa su hungadornan di slot y lo worde rifa riba dia 25 di Maart entre tur e ganadornan di jackpot. Wak pa abo tambe ta inclui, y ricibi carchinan adicional pa participa cu tur jackpot paga na man di $50 of mas!

Super Saturday tambe ta inclui un bingo dibertido cu ta ofrece un minimo di $1,300 den premio, cuminsando pa 2pm. Ocho wega lo worde hunga, ademas di un wega progresivo, y participantenan lo disfruta di door prizes, refresco y pasapalonan!

Bo por cumpra cuater carchi di bingo pa solamente $6 y e carchi progresivo pa solamente Awg 2.

Mas despues den e anochi, e Casino na Radisson ta organizando un Torneo di Poker cuminsando pa 7pm y un Torneo di Slot cuminsando pa 9pm, ofreciendo tremendo premionan di cash. 

Aki por mira e ganadornan cu suerte di siman pasa: Diasabra a saca David Appell, un bishitante regular riba e isla for di e tempo cu e tabatin 14 aña, hospedando na e Occidental Grand, na prome luga, Juan Carlos Muhica na di dos luga y Hubert Albertus na di tres luga. Nan a comparti e suma di $650 Dollar ofreci door di e casino pa e premionan. John Benedetto di Massachusetts, hospedando na Radisson Aruba Resort, Casino & Spa a logra gana $3,000 ora el a hunga su mashin di Dollar slot preferi.

- Advertisement -

DUNA COMENTARIO

Please enter your comment!
Please enter your name here