Home Politica Un aña despues di teremoto devastador na Haiti

Un aña despues di teremoto devastador na Haiti

1
0
SHARE
- Advertisement -

Evelyn Wever-Croes:

ORANJESTAD (AAN): Dia 12 di januari nos ta recorda un aña cu e teremoto devastador a dal Haiti, causando e desaster natural mas horible den nos region den ultimo añanan.

   Nos comunidad mesora a habri nan curason y nan brasa pa yuda e victimanan. Nos por corda ainda e Teleton organiza pa Cruz Cora cu a recauda mas di un miyon Florin.

 Tambe con nos hendenan a bay yuda na Port au Prince pa yuda eynan, entre nan nos medi conan y expertonan riba tereno di salud. Nos a demostra e caracteristicanan cu ta tipico di nos pueblo, di nos hendenan, esta nos amor pa nos prohimo. Nos ta convivi cu esnan cu ta menos afortuna, y esey nos comunidad a demostra en grande na januari 2010.

   Lamentablemente e desaroyonan na Haiti no a bay mes lihe cu nos lo tabata desea, y awe ainda tin hopi hende cu ta biba sin un dak riba nan cabes y den estado deplorabel di salud. Cu hopi duele nos por mira riba canalnan di television, con ainda tanto hende ta sufri na Haiti.

   Esfuerzonan pa traha vivienda pa esnan cu ta biba den tentnan mester worde intensiva, mientras cu ayudo internacional mester worde miho structura. Ta di compronde cu tur esaki ta dificil mientras ta reconstrui e pais, pero mientras tanto laga nos sigui tene e comunidad Haitiano den nos pensamento y den nos oracion.

- Advertisement -

DUNA COMENTARIO

Please enter your comment!
Please enter your name here