“Tranquilo” a disparce for di pier

Publication: Thursday, 24 February 2011. Categoria: General

Trahador lo a bay nabega den boto di placer y sin permiso
ORANJESTAD (AAN): Polis di Oranjestad a bay atende un cos na e pier di Seaport relaciona cu hortamento di un boto di placer. E informe a yega na oido di central di polis pa medio di Centro di Alarma. Mesora a despacha patruya na e pier y polis a topa cu e homber di inicialnan A.H.D. di 41 aña di edad. Segun version di A.D. cu pa 5’or di atardi el a laga su boto di placer cu ta nabega bao di e nomber “Tranquilo” ancra banda di pier di Palm Tours situa na Palmbeach.
Durante oranan di anochi un turista cu e conoce a yame y a bise cu e tabata riba yate “Tranquilo” y e boto tabata tin problema y e kier bin tera. Denunciante a bay haci su investigacion y a bin localiza su yate Tranquil na Seaport Marine.

Locual a sosode segun denunciante, cu e homber cu ta traha pe di inicialnan D.W. a usa yabi spare, usa e yate sin autorizacion di e doño, pa colmo aparentemente bao di influencia. Y tambe a causa daño na e yate. Por cierto basta placa e lo por bay costa pa drecha.

Polis a bisa e doño di yate “Tranquil” si e ta desea e por entrega keho oficial na Recherche.
No ta conoci si e doño di e yate Tranquilo lo pense den tur tranquilidad si e ta bay denuncia e trahador oficialmente.

Leave a Reply