Home General Accion estrategico di polis a baha kibro y ladronicia considerablemente

Accion estrategico di polis a baha kibro y ladronicia considerablemente

0
1
SHARE
- Advertisement -

Segun Minister Dowers:
ORANJESTAD (AAN) – Minister Arthur Dowers, titular di Husticia, a encarga cu e conferencia di prensa semanal di gobierno, dialuna. E dignatario a cuminza pa duna cifra riba e cantidad di kiebro cu ladronicia, cu a tuma lugar den e ultimo periodo. Minister Dowers referi na e situacion fastioso cu a surgi durante e ultimo lunanan, cu un cantidad di kiebro y ladronicia den casnan di famia, den nos comunidad. E mandatario a menciona cu Cuerpo Policial a haci un esfuerzo sumamente grandi, y cada bez cu tabata tin reaccion den comunidad, indicacion ta wordo duna cu KPA ta trahando cu diferente estrategia pa atende cu criminalidad na Aruba, cu e conviccion cu esaki ta dunando resultadonan sumamente positivo, y diferente persona a wordo deteni e ultimo periodo.
Segun Minister Dowers tin un bahada considerable den e cantidad di kiebro den casnan rond di Aruba. Na January a yega na un record historico unda cu solamente 28 caso di kiebro a keda registra den cas of edificio, siendo cu na 2009 tabata 126 y na 2010 cu tabata 74.

Minister Dowers ta considera cu e resultadonan aki ta hopi positivo door di e trabao estrategico aplica pa KPA, unda cu hopi persona, lamentablemente entre nan hobennan, a wordo deteni pa e delitonan aki.

A wordo deteni mas cu 40 persona cu tabata envolvi den kiebro den cas, edificio y negoshinan. Tambe diferente hende a wordo deteni como esnan cu ta instrui otronan pa comete e delito of pasobra nan a cumpra articulonan horta.

E dignatario a manda un advertencia pa tur persona den comunidad cu ta haci un custumber di cumpra articulonan horta, pa nan ta alerta, pasobra autoridad ta bay ta deteniendo nan den e periodo nos dilanti, y esnan cu kizas no ta conciente cu nan no ta cumprando cosnan den un tienda oficial, of no tin un recibo pe, cu e riesgo ta grandi cu nan por wordo deteni pa esaki.

- Advertisement -

1 COMMENT

  1. SI, STRATEGIA MANERA SINTA RIBA NAN CHAN-CHAN
    NAN TA CORE ROND SO MANERA NAN TA TRIP
    NAN MESTER PARA RIBA UN LUGAR (HOT-SPOT), ASINA NAN
    POR OBSERVA MIHO ACTONAN STRANYO DI HENDE CU TA HACE COY CONTRA ORDEN OF CONTRA LEY. ORA NAN TA CORE ROND TA NADA MES NAN TA WAK. PASEY NAN TA ASINA INEFFECTIVO MANERA NAN TA.

    PENSA PENSA PENSA.

DUNA COMENTARIO

Please enter your comment!
Please enter your name here