Home Evenemento Arubadag 2011 lo tuma lugar 20 maart na Veemarkthallen Utrecht

Arubadag 2011 lo tuma lugar 20 maart na Veemarkthallen Utrecht

2
0
SHARE
- Advertisement -

ORANJESTAD (AAN): E comision organizador Arubadag 2011 a cuminsa cu e preparacionnan pa e celebracion di nos Dia Nacional na Hulanda.

   Arubadag 2010 tabata exitoso danki na e team dynamico hoben cu a forma parti di e comision organizador. E aña aki Arubadag lo brinda honor  y respet na Aruba su 35 aña Himno y Bandera y 25 aña Status Aparte cu tema “Un pais a nace”.

   Preparacionnan pa e celebracion special aki ta den full swing. E comision organizador cu ta ser encabesa pa Siegfried Eman y Maurits Malmberg.

  E comision ta conciente cu ta reina un interes pa bandanan musical di Aruba presenta durante e celebracion aki. Pesey lo aprecia pa esnan interesa tuma contacto cu comision Arubadag 2011 prome cu 15 di februari 2011.

   Ta asina cu na momento cu e grupo por demostra cu e pasashinan y estadia ta cubri/paga, nan lo haya e oportunidad pa forma parti di e programa.

  Ta un tradicion cu durante Arubadag tin standnan di cuminda crioyo, cos dushi y productonan netamente Arubano. Personanan of organizacionnan cu ta interesa den un stand, sea asina bon di notifica e comision mas pronto posibel.

  E comunidad Arubano na Hulanda y tur su amigonan lo topa otro den un ambiente ameno y familiar dia 20 di maart na Veemarkthallen Utrecht.

- Advertisement -

DUNA COMENTARIO

Please enter your comment!
Please enter your name here