Home General Contesta di Raad van Advies a habri caminda pa continua cu tratamento...

Contesta di Raad van Advies a habri caminda pa continua cu tratamento di independizacion di ATA

0
0
SHARE
- Advertisement -

Contrario na loke oposicion tabata kier
ORANJESTAD (AAN): Diaranzon durante continuacion di e reunion publico pa independizacion di ATA a surgi un discusion riba algun articulo cu a worde agrega. Oposicion tabata indica cu debi na e envergadura di e cambionan aki tabatin mester di conseho di Raad van Advies y a pidi pa schors e reunion pa ricibi e conseho aki. Minister Otmar Oduber for di cuminsamento caba a indica cu e cambionan aki a bin a raiz di e propio comentarionan di Raad van Advies.

Aki e minister a bisa tambe cu si bay back y mira e ley cu a worde pasa den Parlamento pa loke ta e oprichting di e dos fondonan (Aruba Tourism Marketing Fund y Tourism Product Enhancement Fund) eyden caba a worde aproba cu e tabata un begrotingfonds pa un periodo pa yega na e ley pa cambia e status di ATA.

E unico cambio ta cu ta mantene e Product Enhancement Fund. Ademas di e cambionan aki cu ta a base di e comentarionan di Raad van Advies, dos mas a bin acerca cu ta e bepalingnan cu a pone pa loke ta e geheimhouding plicht y tambe e toezicht mirando cu na e momentonan aki e structura a cambia pa loke ta trata e cobranza.

Raad van Avies a yega di mustra cu mester pone atencion riba e pati di geheim houding, como tambe e parti di toezicht. E dos articulonan aki a worde agrega a base di preguntanan cu a bin for di Parlamento mes.

Despues di basta discusion, finalmente a yega na e acuerdo cu ta bay na contestacion di e ministernan Oduber y de Meza mientras ta busca e conseho di Raad van Advies. Asina a haya contacto cu e organo consultativo aki cual, manera Minister Otmar Oduber mes a bisa, nan a mustra cu nan conseho a worde duna na momento di e oprichting di e dos fondonan y si Parlamento lo kier un conseho un biaha mas, esaki lo bin blanco, mirando cu ya caba nan a duna conseho riba e parti aki.

Di e forma ey, Raad van Advies a habri caminda pa e reunion publico por a continua, contrario na e deseonan di oposicion.

- Advertisement -

DUNA COMENTARIO

Please enter your comment!
Please enter your name here