Home Deporte Deportivo Nacional a gana Riverplate cu score di 1-0

Deportivo Nacional a gana Riverplate cu score di 1-0

2
0
SHARE
- Advertisement -

deport1ORANJESTAD (AAN)— Den e continuacion di e di tres buelta di e campeonato di Futbol di Division Honor, recientemente e oncenanan di Deportivo Nacional y Riverplate a topa otro na Compleho Deportivo Frans Figaroa, encuentro cu a resulta na un victoria mas pa Deportivo Nacional, ganando Riverplate cu score minimo di 1-0. Esaki tabata un encuentro cu durante ambos mitar di e wega no a mira un hugada tactico, pero mas bien un wega unda cu por a sinti e desesperacion for di ambos equipo pa busca algun buraco den e defensa di e contrario pa hinca gol.


Finalmente, faltando 7 minuut pa e final di e partido, Alberto Lopez di Daportivo Nacional ta haya e chens cu su equipo tabata busca desesperadamente y door di un rechaso di e bala door di e defensa di Riverplate, e bala ta yega directamente na pia di Lopez kende no a pensa dos biaha y a manda e bala bek den e porteria di Riverplate anotando e unico gol di e encuentro aki.

Deportivo Nacional ta acumula 3 punto mas na su fabor (23 pt) y cu e victoria aki a pasa pa lidera e tabla di posicion superando SV Britannia (22 pt) pa un punto.

DIARIO DEPORTE ta invita henter e fanaticada di futbol pa presencia e encuentro Diamars awor 8 di februari cu e encuentro ente RCA contra di Juventud Tanki Leendert na Stadion Guillermo Trinidad pa 8’or di anochi, y Diaranzon 9 di Februari, un tabla berde lo bai bula ya cu lo bai tin e candeloso wega entre SV La Fama y SC Bubali, ambos equipo ta para den e di 4 y di 5 lugar cu 16 punto cada equipo, esaki sigur lo bai ta un wega cu no por perde, asina ta cuminsa prepara boso asuntonan pa no tin excuse di perde e partido aki.

- Advertisement -

DUNA COMENTARIO

Please enter your comment!
Please enter your name here