Home General Dos Dominicano deteni despues di pelea pafor di Makumba

Dos Dominicano deteni despues di pelea pafor di Makumba

1
0
SHARE
- Advertisement -

ORANJESTAD(AAN):– Diadomingo anochi y tambe dialuna marduga na dos diferente ocasion polis mester a bai pafor di Makumba pa asistencia. Tabata papia di pelea formal.
E prome melding diadomingo anochi na yegada di polis a resulta cu e bringadornan a baha na awa caba. Dialuna marduga algo pasa di 1:30 si e cos a bai for di man.
Aunke na yegada di polis e pelea a medio termina tog tabata tin un partimento di sla basta formal.
Makumba tabata sera pero pafor e Dominicanonan burachi y agresivo tabata bringa. Algun di e hombernan a agredi un chofer Dominicano tambe den su auto.
Despues ora polis a yega un ta acusa otro di a horta telefon celular. Polis a mira un di e Dominicanonan sali core manera jet.

Un polis a baha na pia y otro a bai su tras cu auto. Nan a bin gare banda di Wit Gele Kruis den Koningstraat. Polis a bai bek na e sitio y atende cu varios di e Dominicanonan cu a bringa y tabata burachi.

Nan no tabata razona facil. Un ta acusa otro di a horta celular durante pelea. Finalmente polis mester a detene dos di nan pa motibo di tabata bebi. Nan a hiba nan warda pa un cuarto gratis na Playa. E situacion a medio calma despues.

- Advertisement -

DUNA COMENTARIO

Please enter your comment!
Please enter your name here