Home General E triangulo Aruba Panama-Centro America ta hopi importante

E triangulo Aruba Panama-Centro America ta hopi importante

1
0
SHARE
- Advertisement -

vicepresidentSegun Vicepresidente di Panama sr. Frank de Lima:
ORANJESTAD (AAN) – Señor Frank de Lima, Vicepresidente de Republica di Panama, ta di bishita na Aruba unda el a reuni cu Minister di Economia señora Michelle Hooyboer- Winklaar, y nan a elabora riba diferente posibilidad economico cu tin pa ambos pais. Den entrevista cu DIARIO, señor de Lima a splica cu e bishita aki ta relaciona cu un bishita anterior, na Maart 2010, cu Minister di Economia di Aruba a realiza na Panama, den e contexto di un feria economico cu dicho pais tin anualmente yama ExpoComer.
Durante e encuentro aki ambos mandatario a cuminza papia riba e posibilidad pa fortalece e lazonan entre ambos pais, y den e cuadro aki Minister Hooyboer- Winklaar a extende un invitacion na sr. de Lima pa bin Aruba, pa e ta presente durante inauguracion di un proyecto di energia renovable na Parke Arikok.

De Lima ta haya cu tin hopi semehanza entre Panama y Aruba, y e ta kere cu mester busca e sinergia entre ambos pais pa fortalece e intercambio comercial entre tur dos pais. Un di e terenonan interesante ta turismo unda cu Aruba ta figura den clase mundial, y tambe Panama ta identifica dicho industria como un sector hopi importante pa su economia, entre otro di generacion di empleo y crecimento economico.

De Lima a subraya cu e tema di e ampliacion di e Canal di Panama a trece un impacto na Aruba tambe, cu tin den plan pa remove e waf pa un area cu mas espacio pa atende e barconan grandi cu ta pasa door di e Canal di Panama. Tambe e ta mira cu den e tema di servicionan internacional Aruba kier bin cu un centro financiero.

Vicepresidente di Panama a subraya cu manera el a papia cu Prome Minister Mike Eman, e triangulo entre Aruba, Panama y Centro America, ta hopi importante tambe, y na e momentonan aki e linea nacional di Panama, esta COPA, tin cuatro vuelo semanal cu Aruba, y lo bin un vuelo adicional pa conecta nos paisnan.

Tambe pa loke ta comercio, Aruba ta importa for di Panama for di e zona liber di Colon, mas cu 37 miyon dollar na mercancia, y e ta kere cu tambe mester busca manera pa Panama ricibi mas producto di Aruba.

- Advertisement -

DUNA COMENTARIO

Please enter your comment!
Please enter your name here