Home General Eleccion di Reina y Prins pa aña 2011 di Grupo Flor di...

Eleccion di Reina y Prins pa aña 2011 di Grupo Flor di Bini Bini y Grupo di Baile Flor di Trinitaria

1
0
SHARE
- Advertisement -

flor_bini_bini__ (5)ORANJESTAD (AAN): Recientemente Grupo Flor di Bini Bini tabata tin un mainta carnavalesco cu un toke tipico.

   E mainta a cuminsa cu un bunita oracion di señora Faro cu a gradici Papa Dios y a pidie hopi bendicion pa tur e miembro y leidsternan di Grupo Flor di Bini Bini. Despues e pista di baile a habri, cu musica di caha di orgel Nos Ambiente di sr. Nelson Sprok acompaña pa sr. Keke Giel ariba wiri.

Di biaha tur hende a subi pista yen di smaak y cla pa rek e pia.

   Despues di algun dushi piesa a sigui cu eleccion di Reina pa Grupo Flor di Bini Bini a cuminsa. En totaal 12 miembro a indica di kier participa na e eleccion, esta señora Rina, Maria G., Andrea, Aurora, Frida, Maria H., Mia, Amelia, Annie, Yolanda, Emilia y Elsa.

   E prome eliminacion a tuma lugar mediante di un armband cu cada un di e participantenan mester a coi for di un saco. Intencion tabata pa mantene 6 dama cu lo competi pa e corona di Grupo Flor di Bini Bini pa 2011.

   Tur dama cu a coi un armband color berde of roos a keda escohi pa sigui den e eleccion. E 6 damanan cu a participa na e siguiente fase ta: Rina, Maria G., Annie, Maria H., Frida y Elsa. E tarea dificil pa escohe e reina di Grupo Flor di Bini Bini a keda den man di tur e miembronan masculino, cu mester a entrega nan voto anonimo.

  Prome cu esaki cada participante mester a baila ariba e dushi musica di Nos Ambiente pa e huradonan por a presencia. E votonan a worde conta door di señora Shailiny Tromp-Lee. Como reina di Grupo Flor di Bini a keda escohi señora Rina Kock y como señora Carnaval señora Maria G.

   Siguiente eleccion tabata pa elegi e Prins di Grupo Flor di Bini Bini pa aña 2011. Participantenan pa e puesto aki tabata srs. Richard, Rosendo y Chemie. Nan tabata tin cu conta un chasco y a base di e aplauso di publico a keda dicidi kende ta bira Prins. Sr. Chemie a haci un tremendo presentacion y tur miembro presenta a hari bay off.

  Grupo di baile Flor di Trinitaria tambe a elegi nan Reina. 4 dama a participa esta señora Francisca, Nata, Irma y Maria. Mesun proceso manera aki riba menciona a worde manteni y señora Irma Maduro a keda elegi como Reina di Grupo di baile Flor di Trinitaria. Mas cu claro cu tambe a elegi e prins cu a conta un joke cu a laga e miembronan hari pa basta rato, esta sr. Dake. E tres participantenan tabata srs. Camilio, Dominico y Janchi. 

Un pabien special ta bay na tur e Reina y Prinsnan! Tur participantenan a ricibi un bunita flor y e Reina y Prinsnan lo worde corona dia 2 di maart venidero caminda Grupo Flor di Bini Bini lo bay tin nan acustumbrado jump-up y fiesta di Carnaval.

E mainta a termina cu su acostumbrado ritmo y bailenan. Pa no lubida e dushi pasa bocanan cu nunca ta falta.

- Advertisement -

DUNA COMENTARIO

Please enter your comment!
Please enter your name here